చిటికెలో సిద్ధమయ్యే మొలకల స్నాక్స్
Recipes | Suryaa Desk | Published : Wed, Jun 15, 2022, 09:48 PM
కావలసిన పదార్ధాలు: మరమరాలు - ఒక కప్, నూనె - ఒక స్పూన్, జీలకర్ర - అరస్పూన్, పసుపు - చిటికెడు, బ్లాక్ సాల్ట్ - చిటికెడు, కారం - అరస్పూన్, దానిమ్మ గింజలు - అరకప్, శుభ్రంగా వలిచిన కమలా తొనలు - 6, సన్నగా తరిగిన టమాటో ముక్కలు - అరకప్, మొలకలు - అరకప్, సన్నగా తరిగిన యాపిల్ ముక్కలు - అరకప్, చిన్న ముక్కలుగా కోసిన మామిడి పండు ముక్కలు - అరకప్, కొత్తిమీర తరుగు - కొంచెం, నిమ్మకాయ - 1, ఉప్పు - రుచికి సరిపడా.
తయారీవిధానం:
-- ముందుగా మొలకలను కుక్కర్ లో వేసి ఉడికించి పెట్టుకోవాలి.
-- స్టవ్ ఆన్ చేసుకుని కళాయి పెట్టి నూనె వేసుకోవాలి.
-- నూనె బాగా కాగాక జీలకర్ర వేయించి మరమరాలు వెయ్యాలి.
-- రెండు నిమిషాలయ్యాక పసుపు, బ్లాక్ సాల్ట్, నార్మల్ ఉప్పు, కారం వేసి బాగా కలిపి స్టవ్ ఆఫ్ చేసుకోవాలి.
-- ఇప్పుడు ఇందులో దానిమ్మ గింజలు, కమలా తొనలు, సన్నగా తరిగిన టమాటో ముక్కలు, సన్నగా తరిగిన యాపిల్ ముక్కలు, చిన్న ముక్కలుగా కోసిన మామిడి పండు ముక్కలు, కొత్తిమీర తరుగు, మొలకలు వేసి బాగా మిక్స్ చేసుకోవాలి.
-- చివరిలో నిమ్మకాయ రసాన్ని పిండి సర్వ్ చేసుకుంటే సరి. సాయంత్రం పూట ఆరోగ్యకరమైన, రుచికరమైన స్నాక్స్ సిద్ధమైనట్టే.
|
|