జయమ్మ షూటింగ్ లో తృటిలో పెనుప్రమాదాన్ని తప్పించుకున్న సుమ...!
cinema | Suryaa Desk | Published : Sat, May 07, 2022, 01:34 PM
ప్రముఖ బుల్లితెర వ్యాఖ్యాత సుమ కనకాల చాలా కాలం తర్వాత వెండితెరపై సందడి చెయ్యటం మొదలుపెట్టారు. ఆమె ప్రధానపాత్రలో, విజయ్ కుమార్ కలివరపు దర్శకత్వం వహించిన విలేజ్ కామెడీ డ్రామా జయమ్మ పంచాయితీ నిన్ననే విడుదలైంది. ప్రేక్షకులు ఈ సినిమా పట్ల పాజిటివ్ గా ఉన్నట్టు తెలుస్తుంది. రివ్యూలు కూడా పాజిటివ్ గానే వస్తున్నాయి. ఈ వీకెండ్ గడిస్తే గాని సుమ వెండితెర రీఎంట్రీ ప్రయత్నం సఫలం అయ్యిందా?లేదా? అన్నది తెలుస్తుంది.
పోతే..., ఈ మూవీ షూటింగ్ సమయంలో సుమ అనుకోని ప్రమాదం నుండి అదృష్టవశాత్తు తప్పించుకుంది. ఈ ఘటన ఆలస్యంగా వెలుగులోకొచ్చింది. చిన్న నీటి ప్రవాహం ఉన్న రాతిపై నిల్చున్న సుమ అనుకోకుండా కాలు జారి కింద పడింది. కొంచెముంటే సుమ ఆ ప్రవాహం లో కొట్టుకుపోయేది. అయితే, ఈ ప్రమాదంలో సుమకు ఏమి కాకపోవడంతో అందరూ ఊపిరి పీల్చుకున్నారు. దీనికి సంబంధించిన వీడియో ప్రస్తుతం నెట్టింట వైరల్ గా మారింది.
|
|