హోటల్ రూమ్‌లో లవర్స్ శృంగారం.. ఫోన్ చూస్తూ

ప్రేమలో ఉన్న యువతీ యువకులు పార్కులు, పర్యాటక ప్రదేశాల్లో తిరగడం సర్వ సాధారణమే. అయితే ఇటీవలి కాలంలో లవర్స్ హద్దులు దాటి మరీ ప్రవర్తిస్తున్న ఘటనలు మనం నిత్యం చూస్తూనే ఉన్నాం. చుట్టూ జనాలు ఉన్నారనే ఇంగితం కూడా లేకుండా రొమాన్స్‌లో మునిగి తేలుతున్నారు. ఇక ఓయోలు, హోటల్ రూమ్‌లకు వెళ్లి పని కానిచ్చేస్తున్నారు. ఇలా హోటల్ రూమ్‌లలో పట్టుబడిన వారు ఎంతో మంది ఉన్నారు. మరికొందరు లవర్స్ రహస్య ఫోటోలు, వీడియోలు కూడా వైరల్ అయిన సందర్భాలు కూడా ఉన్నాయి. అయితే తాజాగా ఏకాంతంగా గడిపేందుకు హోటల్ రూమ్‌కు వెళ్లిన ఓ జంటకు ఊహించని సంఘటన ఎదురైంది. ఈ ఘటనలో యువతి మృతి చెందగా.. పోలీసులు యువకుడిని అరెస్ట్ చేశారు. గుజరాత్‌లో జరిగిన ఈ ఘటన ప్రస్తుతం తీవ్ర చర్చకు దారి తీసింది.

గుజరాత్‌లోని నవ్‌సరి జిల్లాలో జరిగిన ఈ ఘటన ప్రస్తుతం వైరల్ అవుతోంది. 23 ఏళ్ల నర్సింగ్ విద్యార్థిని, ఆమె ప్రియుడు 26 ఏళ్ల యువకుడు.. సెప్టెంబర్ 23వ తేదీన నవ్‌సరిలో ఒక హోటల్‌లో రూమ్ బుక్ చేసుకున్నారు. అనంతరం అందులోకి వెళ్లిన ఆ జంట.. రొమాన్స్‌లో మునిగిపోయింది. ఈ క్రమంలోనే శృంగారంలో పాల్గొనగా.. యువతికి ప్రైవేటు భాగాల నుంచి తీవ్ర రక్తస్రావం అయింది. అది చూసిన యువకుడు భయంతో ఏం చేయాలో అర్థం కాక.. సెల్‌ఫోన్ తీసి రక్తస్రావం తగ్గడానికి ఏం చేయాలి అని ఆన్‌లైన్‌లో వెతికాడు. ఒక టవల్‌ను తీసుకువచ్చి.. రక్తస్రావం కాకుండా ఆమె ప్రైవేటు భాగాల వద్ద ఉంచాడు.

అయినప్పటికీ రక్తస్రావం ఆగకపోగా ఇంకా ఎక్కువైంది. దీంతో యువకుడు భయంతో తన మిత్రుడికి ఫోన్ చేసి రమ్మన్నాడు. అతడు వచ్చేసరికే ఆ యువతి స్పృహ కోల్పోయింది. వెంటనే అంబులెన్స్‌ను రప్పించి దగ్గర్లో ఉన్న ఆస్పత్రికి తరలించారు. యువతి పరిస్థితి తీవ్ర విషమంగా ఉండటంతో ఆ డాక్టర్లు సివిల్ ఆస్పత్రికి వెళ్లాలని సూచించారు. అయితే అక్కడికి తీసుకువెళ్లే లోపే యువతి చనిపోయినట్లు డాక్టర్లు గుర్తించారు. అది విని ఆ యువకుడు, అతని స్నేహితుడు మరింత భయాందోళనకు గురయ్యారు. ఇక చేసేదేమీ లేక ఆ యువకుడు.. యువతి తల్లిదండ్రులకు ఫోన్ చేసి సమాచారం అందించాడు. అయితే రక్తస్రావాన్ని అడ్డుకునేందుకు ఫోన్లో ఆ యువకుడు వెతడకంతో ఆమెను ఆస్పత్రికి తరలించడం ఆలస్యం అయింది. సరైన సమయానికి ఆస్పత్రికి చేర్చి ఉంటే ఆమె బతికే అవకాశాలు ఉండేవని డాక్టర్లు పేర్కొన్నారు.

దీంతో హుటాహుటిన యువతి తల్లిదండ్రులు.. ఆస్పత్రికి పరిగెత్తారు. అక్కడికి చేరుకునే సరికే తమ కుమార్తె శవంగా కనిపించడంతో వారు రోదించారు. ఇక ఈ ఘటనపై వారు పోలీసులకు సమాచారం అందించడంతో ఆస్పత్రికి చేరుకున్న పోలీసులు.. మృతదేహాన్ని పరిశీలించి పోస్టుమార్టానికి తరలించారు. ఈ ఘటనపై కేసు నమోదు చేసి.. ఆ యువకుడిని అరెస్ట్ చేసి వివరాలు రాబట్టారు. పోస్టుమార్టం నివేదిక వచ్చిన తర్వాత ఈ ఘటనకు సంబంధించిన మరింత సమాచారం తెలుస్తుందని పోలీసులు తెలిపారు.