రియల్ మీ నుంచి సరికొత్త స్మార్ట్ ఫోన్
Andhra Pradesh Telugu | Suryaa Desk | Published : Fri, Jun 26, 2020, 03:10 PM
రియల్ మీ సీ3ఐ స్మార్ట్ ఫోన్ ను వియత్నాంలో లాంచ్ అయింది. ఇది రియల్ మీ సీ3 రీబ్రాండెడ్ వెర్షన్ తరహాలో ఉంది. మీడియాటెక్ హీలియో జీ70 ప్రాసెసర్ తో ఈ ఫోన్ లాంచ్ అయింది. ఇందులో 5000 ఎంఏహెచ్ బ్యాటరీని రియల్ మీ అందించడం విశేషం. ఈ స్మార్ట్ ఫోన్ ధరను 25,90,000 వియత్నాం డాంగ్ లు(సుమారు రూ.8,500)గా నిర్ణయించారు. ఇది 2 జీబీ ర్యామ్ + 32 జీబీ స్టోరేజ్ వేరియంట్ ధర. 4 జీబీ ర్యామ్ + 64 జీబీ స్టోరేజ్ మోడల్ కూడా ఉంది. దాని ధరను ఇంకా రియల్ మీ వెల్లడించలేదు. రియల్ మీ సీ3ఐ స్మార్ట్ ఫోన్ లో 6.5 అంగుళాల హెచ్ డీ+ వాటర్ డ్రాప్ నాచ్ డిస్ ప్లేను అందించారు. డిస్ ప్లే స్క్రీన్ టు బాడీ రేషియో 89.8 శాతంగా ఉంది. ఆక్టా కోర్ మీడియాటెక్ హీలియో జీ70 ప్రాసెసర్ పై ఈ ఫోన్ పనిచేయనుంది. 4 జీబీ వరకు ర్యామ్, 64 జీబీ వరకు స్టోరేజ్ ఇందులో ఉంది. ఈ మోడల్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 12 మెగా పిక్సెల్ కాగా, మరో 2 మెగా పిక్సెల్ కెమెరాను కూడా ఉంది. సెల్ఫీల కోసం ముందువైపు 5 మెగాపిక్సెల్ కెమెరాను అందించారు. ఆండ్రాయిడ్ 10 ఆధారిత రియల్ మీ యూఐ ఆపరేటింగ్ సిస్టంపై ఈ ఫోన్ పనిచేయనుంది. దీని బ్యాటరీ సామర్థ్యం 5000 ఎంఏహెచ్ కాగా.. వైఫై, బ్లూటూత్ v5.0, జీపీఎస్, మైక్రో యూఎస్ బీ పోర్టు వంటి కనెక్టివిటీ ఫీచర్లు ఈ మోడల్ లో ఉన్నాయి. ఈ ఫోన్ బరువు 195 గ్రాములు
|
|