హెచ్‌డీఎఫ్‌సీ బ్యాంక్ తీపికబురు... కొత్త లోన్ సర్వీసులు ప్రారంభం
Andhra Pradesh Telugu | Suryaa Desk | Published : Sat, Jul 04, 2020, 12:10 PM
ప్రైవేట్ రంగ దిగ్గజ బ్యాంక్ హెచ్‌డీఎఫ్‌సీ బ్యాంక్ కస్టమర్ల కోసం అదిరిపోయే ఆఫర్ తీసుకువచ్చింది. కొత్త సర్వీసులు లాంచ్ చేసింది. జిప్ డ్రైవ్ పేరుతో ఇన్‌స్టంట్ ఆటో లోన్ సర్వీసులను ఆవిష్కరించింది. దేశవ్యాప్తంగా ఈ సేవలు అందుబాటులో ఉండనున్నాయి.హెచ్‌డీఎఫ్‌సీ బ్యాంక్ డిజిటల్ లోన్ సర్వీస్ దేశవ్యాప్తంగా 1000 పట్టణాల్లో అందుబాటులో ఉంటాయి. టైర్ 2, టైర్ 3 పట్టణాల్లో కూడా జిప్ డ్రైవ్ సర్వీసులు అందుబాటులో ఉంచుతామని బ్యాంక్ తెలిపింది. ఆంధ్రప్రదేశ్‌లోని భీమవరం, ఉత్తర ప్రదేశ్‌లోని హర్‌డోయ్, కేరళలోని తలస్సోరి, ఒడిశాలోని బాలసోర్ వంటి పట్టణాల్లో ఉన్న వారు ఈ సర్వీసులు పొందొచ్చు.హెచ్‌డీఎఫ్‌సీ బ్యాంక్ ఇన్‌స్టంట్ ఆటో లోన్‌లో భాగంగా కస్టమర్లకు 10 సెకన్లలోనే రుణాలు అందిస్తోంది. అయితే బ్యాంక్‌కు చెందిన ప్రిఅప్రూవ్డ్ లోన్ ఆఫర్ కలిగిన కస్టమర్లకు మాత్రమే ఇది వర్తిస్తుంది. ఇటీవల కాలంలో నాన్ మెట్రో ప్రాంతాల్లో వాహన అమ్మకాలు క్రమంగా పెరుగుతూ వస్తున్నాయి. కరోనా వైరస్ కారణంగా ప్రజలు సొంత వాహనాల్లోనే బయటకు వెళ్లడానికి ఇష్టపడుతుండటం ఇందుకు కారణం.ప్రిఅప్రూవ్డ్ లోన్ ఆఫర్ కలిగిన కస్టమర్లు ఫోన్ బ్యాంకింగ్ లేదా నెట్ బ్యాంకింగ్ సాయంతో రుణం పొందొచ్చు. దీనికి ఎలాంటి డాక్యుమెంట్లు కూడా అవసరం లేదు. ఆన్‌లైన్‌లో అప్లికేషన్ సమర్పించిన 10 సెకన్లలోనే లోన్ డబ్బులు ఆటో డీలర్ బ్యాంక్ అకౌంట్‌కు ట్రాన్స్‌పర్ అవుతాయి. ప్రిఅప్రూవ్డ్ ఆఫర్ కలిగిన వారు నెట్ బ్యాంకింగ్ ద్వారా ఎప్పుడైనా ఎక్కడైనా ఈ తరహా లోన్ కోసం అప్లై చేసుకోవచ్చు.
|
|