ట్రెండింగ్
63 అడుగులతో ఖైరతాబాద్ గణపతి విగ్రహం, భక్తులతో కిటకిటలాడుతున్న వైనం
Telangana Telugu | Suryaa Desk | Published : Mon, Sep 18, 2023, 12:34 PM
వినాయక చవితి సందర్భంగా హైదరాబాద్ నగరంలోని ఖైరతాబాద్ మహాగణపతిని దర్శించుకునేందుకు భక్తులుపెద్ద సంఖ్యలో దర్శనానికి తరలివస్తున్నారు. ఈ ఒక్క రోజే లక్ష మంది భక్తులు దర్శించుకునే అవకాశం ఉంది. ఈ ఏడాది శ్రీ దశవిద్య మహాగణపతిగా ఖైరతాబాద్ వినాయకుడు భక్తులకు దర్శనమిస్తున్నారు. మొత్తం 63 అడుగుల మట్టి గణపతిని ఏర్పాటు చేశారు. కుడివైపు పంచముఖ లక్ష్మీ నరసింహస్వామి.. ఎడమవైపు వీరభద్ర స్వామి విగ్రహాలు ఉన్నాయి. ఉత్సవ కమిటీ సభ్యులు అన్ని ఏర్పాట్లు పూర్తి చేశారు. భక్తుల రద్దీని దృష్టిలో పెట్టుకొని బారీకేడ్లు, క్యూలైన్లను ఏర్పాటు చేశారు. పోలీసు ఉన్నతాధికారులు భద్రతా ఏర్పాట్లను పర్యవేక్షించారు.
|
|
