‘మా’ప్రెసిడెంట్ శివాజీరాజా ఒక జోకర్
Andhra Pradesh Telugu | Suryaa Desk | Published : Thu, Jul 06, 2017, 09:04 AM
నటుడు, మూవీ ఆర్టిస్ట్స్ అసోసియేషన్ అధ్యక్షుడు శివాజీ రాజాపై సీనియర్ నటి తులసి మండిపడ్డారు. అనేక సినిమాల్లో హీరోయిన్ గా నటించి, ప్రస్తుతం కేరెక్టర్ ఆర్టిస్టు వేషాలతో కొనసాగుతున్న తులసి మా అధ్యక్షుడిపై తీవ్ర స్థాయిలో విరుచుకుపడ్డారు. శివాజీరాజాను జోకర్ అంటూ ఆమె దూషించారు. ట్విటర్ వేదికగా తులసి ఈ విధంగా చెలరేగారు.మరి ఈ సీనియర్ నటీమణి ‘మా’ అధ్యక్షుడిపై విరుచుకుపడటానికి కారణమేమిటి? అంటే.. దాని వెనుక ఆసక్తికరమైన కథే ఉంది. ఈ మధ్య తులసి ‘శంకరాభరణం అవార్డులు’పేరుతో తెలుగు సినిమా వాళ్లకు వివిధ అవార్డులను ఇచ్చారు. ఈ కార్యక్రమాన్ని భారీ ఎత్తున నిర్వహించాలని ఆమె భావించారు. అందుకుగానూ అనేక మంది ప్రముఖ నటీనటులకు ఆహ్వానం పలికారు. యువతరం హీరోలను కూడా ఆహ్వానించారు. అయితే వారెవరూ కార్యక్రమానికి హాజరు కాలేదుమరి నటీనటులు ఆ కార్యక్రమానికి రాకపోవడానికి కారణం ‘మా’ అధ్యక్ష హోదాలోనే శివాజీరాజానే అనేది తులసి ఆరోపణ. ఈ ఆగ్రహంతో ఆమె శివాజీరాజాను జోకర్ అంటూ నిందించారు. అలాగే ‘సంతోషం’ మ్యాగజైన్ ఓనర్ సురేష్ కొండేటిపై కూడా ఆమె ధ్వజమెత్తారు. వాళ్లిద్దరూ కలిసి తను ఏర్పాటు చేసిన అవార్డుల ఫంక్షన్ కు సినిమా వాళ్లను రాకుండా చేశారని తులసి ధ్వజమెత్తారు.
|
|