పండుగ వచ్చిందంటే.. గుమగుమలాడే పిండి వంటలు నోరూరిస్తాయి. బూరెలు, పరవాన్నం తదితరాలు తయారు చేయడానికి ఎక్కువగా బెల్లాన్నే వాడతారు. బెల్లం మంచి రుచితోపాటు ఆరోగ్యానికి కూడా మంచిదనే ఉద్దేశ్యంతో దీన్నే వాడతారు. బెల్లం వలన కలిగే ఆరోగ్య ప్రయోజాలేంటో ఇప్పుడు చూద్దాం...
-> బెల్లంలో ఎక్కువగా ఉండే మెగ్నీషియం వల్ల పేగులకు బలం లభిస్తుంది. బరువు తగ్గాలంటే బెల్లం తినండి.
-> బెల్లంలోని పొటాషియం శరీరంలోని ఎలక్ట్రోలైట్స్ని బ్యాలెన్స్ చేస్తుంది. ఇది కండరాలను ధృడంగా ఉంచుతుంది.
-> బెల్లంలో ఇనుము, కాల్షియం అధిక మోతాదులో, ఇతర పోషకాలు స్వల్పంగా ఉంటాయి.
-> రోజూ రాత్రిపూట భోజనం చేసిన తర్వాత చిన్న బెల్లం ముక్క తింటే జీర్ణక్రియ మెరుగవుతుంది. ఇది శరీరంలో వేడిని తగ్గిస్తోంది.
-> బెల్లంతో లివర్ సమస్యలు దూరమవుతాయి. ఇందులో ఉండే మొలాసిస్లో పొటాషియం, ఎలక్ట్రోలైట్స్ పదార్థాలు శరీరానికి శక్తిని అందిస్తాయి.
-> బెల్లం నీరు ఎనర్జీ డ్రింక్లా పనిచేస్తుంది. దీనిలో ఉండే ఐరన్ శరీరంలో హిమోగ్లోబిన్ లెవల్స్ను పెంచుతుంది. రక్త ప్రసరణ వ్యవస్థ మెరుగవుతుంది.
-> ఆర్థరైటిస్, రుమటాయిడ్ ఆర్థరైటిస్తో బాధపడేవారికి బెల్లం మంచిది. మలబద్దకం, గ్యాస్, ఏసీడీటీ సమస్యలు కూడా ఉండవు.
-> బెల్లం శ్వాసకోస సంబంధ సమస్యలను దూరం చేస్తుంది. ఇందులో ఉండే పొటాషియం, సోడియం శరీరంలోని యాసిడ్ లెవెల్స్ని క్రమపద్ధతిలో ఉంచుతాయి.
-> బెల్లం నుంచి విడుదలయ్యే ఎండోర్ఫిన్స్ శరీరానికి నొప్పుల నుండి ఉపశమనం కలిగిస్తాయి.