ట్రెండింగ్
అనారోగ్యానికి ఆసుపత్రిలో చేరిన లతా మంగేష్కర్‌
national | Suryaa Desk | Published : Mon, Nov 11, 2019, 04:57 PM
ప్రఖ్యాత బాలీవుడ్‌ గాయని లతా మంగేష్కర్‌ (90) స్వల్ప అనారోగ్యానికి గురయ్యారు. శ్వాస ఇబ్బందిగా ఉందని చెప్పడంతో (నవంబర్ 11) సోమవారం తెల్లవారుఝామున లతాజీని ముంబైలోని బ్రీచ్‌ కాండీ ఆసుపత్రిలో చేర్చారు. ఆసుపత్రి సీనియర్ వైద్య సలహాదారు డాక్టర్ ఫరోఖ్ ఇ ఉద్వాడియా పర్యవేక్షణలో ఆమె చికిత్స పొందుతున్నారు. ప్రస్తుతం ఆమె ఆరోగ్య పరిస్థతితి నిలకడగా ఉన్నట్టు సమాచారం. దీనిపై మరిన్ని వివరాలు అందాల్సి వుంది.
కాగా లతా మంగేష్కర్‌ సెప్టెంబర్ 28 న 90వ పుట్టిన రోజు జరుపుకున్నారు. మరోవైపు అశుతోష్ గోవారికర్ చిత్రం ‘ పానిపట్’ లో గోపికా బాయిగా నటించిన తన మేనకోడలు పద్మిని కోహ్లాపురి ఫస్ట్ లుక్ పోస్టర్‌ను నిన్న (నవంబరు 10) లతా ట్వీట్‌ చేశారు. ఈ సందర్భంగా పద్మినితోపాటు , చిత్ర యూనిట్‌కు ఆమె శుభాకాంక్షలు అందజేసిన సంగతి తెలిసిందే.
|
|