చంద్రబాబుతో అలీ ఏకాంతంగా భేటీ
Andhra Pradesh Telugu | Suryaa Desk | Published : Sun, Jan 06, 2019, 07:16 PM
ఆంధ్రప్రదేశ్ ముఖ్యమంత్రి, తెలుగుదేశం పార్టీ అధ్యక్షులు నారా చంద్రబాబు నాయుడును ప్రముఖ తెలుగు హాస్యనటుడు అలీ ఆదివారం కలిశారు. చంద్రబాబు జన్మభూమి కార్యక్రమంలో పాల్గొనేందుకు వెల్లే సమయంలో ఉండవల్లిలోని ఆయన నివాసంలో కలిశారు. చంద్రబాబుతో ఏకాంతంగా అరగంటపాటు భేటీ అయ్యారు.
కాగా, అంతకుముందు ఉదయం ఆయన జనసేన అధినేత పవన్ కళ్యాణ్‌ను కలిశారు. అక్కడ ఆయన మీడియాతో మాట్లాడలేదు. అనంతరం చంద్రబాబుతో భేటీ కావడం గమనార్హం. ఇటీవల అలీ ఓ విమానాశ్రయంలో వైయస్సార్ కాంగ్రెస్ పార్టీ అధ్యక్షులు, ఏపీ ప్రతిపక్ష నేత వైయస్ జగన్మోహన్ రెడ్డిని కలిశారు. అప్పటి నుంచి అలీ రాజకీయ ఆరంగేట్రంపై చర్చ సాగుతోంది.
ఆయన వైసీపీలో చేరుతారని, రాజమండ్రి నుంచి పోటీ చేస్తారని ఊహాగానాలు వినిపించాయి. ఈ నేపథ్యంలో ఆదివారం ఉదయం జనసేనానిని కలిశారు. సాయంత్రం చంద్రబాబును కలిశారు. ఆయన వరుస భేటీలు చర్చనీయాంశంగా మారాయి. అలీ ప్లాన్ ఏమిటో ఎవరికీ అర్థం కావడం లేదు.
|
|