ఆ బ్యాంక్ కార్డ్ తో కొంటే రూ.2వేల తగ్గింపు

ఫోన్ల కొనుగోలు  ఫలాన బ్యాంక్ కార్డుతో కొంటే ఇంత  డిస్కౌంట్ అన్న వార్తలు వింటూనే ఉంటాం. తాజాగా బడ్జెట్ 5జీ స్మార్ట్‌ఫోన్ రియల్‌మీ నార్జో 50 5జీ సేల్‌ మొదలైంది. ఈ కంపెనీ కూడా ఓ బ్యాంక్ కార్డ్ పై కొనుగోలు చేస్తే రూ.2వేల వరకు తగ్గింపు అని పేర్కొంటోంది. గత వారం భారత్‌లో అడుగుపెట్టిన ఈ మొబైల్‌ నేడు (మే 24న) తొలిసారి సేల్‌కు వచ్చింది. ఫుల్ హెచ్‌డీ+ 90హెచ్ జెడ్ డిస్‌ప్లే, మీడియాటెక్ డైమన్సిటీ ప్రాసెసర్‌ను ఈ మొబైల్‌ కలిగి ఉంది. అలాగే ప్రధాన కెమెరా 48 మెగాపిక్సెల్ సామర్థ్యంతో ఉంది. స్టీరియో స్పీకర్లు, 5000ఎంఏహెచ్ బ్యాటరీ, ఫాస్ట్ చార్జింగ్ సపోర్ట్‌తో రియల్‌మీ నార్జో 50 5జీ  వస్తోంది. సేల్‌ సందర్భంగా ఓ బ్యాంక్ కార్డు ఆఫర్‌తో రూ.2,000 తగ్గింపు పొందే అవకాశం ఉంది. రియల్‌మీ నార్జో 50 5జీ ధర, ఆఫర్‌, స్పెసిఫికేషన్ల వివరాలు చూడండి.

4జీబీ ర్యామ్ + 64జీబీ స్టోరేజ్ ఉన్న రియల్‌మీ నార్జో 50 5జీ ధర రూ.15,999గా ఉంది. 4జీబీ ర్యామ్ + 128జీబీ స్టోరేజ్ వేరియంట్ ధర రూ.16,999, 6జీబీ ర్యామ్ + 128జీబీ స్టోరేజ్ ధర రూ.17,999గా ఉంది. ఈ-కామర్స్ సైట్ అమెజాన్, రియల్‌మీ అధికారిక వెబ్‌సైట్‌లో ఈ ఫోన్‌ సేల్‌కు వచ్చింది. హెచ్ డీఎఫ్ సీ బ్యాంక్ డెబిట్, క్రెడిట్ కార్డుతో కొంటే ఈ మొబైల్‌పై రూ.2000 తక్షణ డిస్కౌంట్ లభిస్తోంది. అంటే బేస్ మోడల్‌ను రూ.13,999కే సొంతం చేసుకోవచ్చు.

రియల్‌మీ నార్జో 50 5జీ మొబైల్‌లో మీడియాటెక్ డైమన్సిటీ 810 5జీ ప్రాసెసర్‌ ఉంది. గరిష్ఠంగా 6జీబీ ర్యామ్, 128జీబీ స్టోరేజ్ వేరియంట్ ఉంటుంది. స్టోరేజ్‌ను పొడిగించుకునేందుకు మైక్రో ఎస్‌డీ కార్డ్ స్లాట్‌ను రియల్‌మీ పొందుపరిచింది. ఆండ్రాయిడ్‌ 12 (అండ్రాయిడ్ 12) ఆధారిత రియల్‌మీ యూఐ 3.0 (రియల్ మీ యూ.ఎల్. 3.0) ఓఎస్‌పై రన్ అవుతుంది. 6.6 ఇంచుల ఫుల్ హెచ్‌డీ+ డిస్‌ప్లేను ఈ ఫోన్‌ కలిగి ఉంది. 90 హెచ్ జెడ్ స్క్రీన్ రిఫ్రెష్ రేట్, ఫ్రంట్ కెమెరా కోసం వాటర్ డ్రాప్ నాచ్ డిజైన్ ఉంది.

రియల్‌మీ నార్జో 50 5జీ ఫోన్‌లో 5000ఎంఏహెచ్ బ్యాటరీ ఉంది. 33 వాట్ల ఫాస్ట్ చార్జింగ్‌కు సపోర్ట్ చేస్తుంది. పవర్ బటన్‌కే ఫింగర్ ప్రింట్ స్కానర్ ఉంటుంది. 5జీ, 4జీ ఎల్‌టీఈ, డ్యుయల్ బ్యాండ్ వైఫై, బ్లూటూత్, జీపీఎస్, యూఎస్‌బీ టైప్-సీ పోర్ట్, 3.5 ఎం.ఎం. హెడ్‌ఫోన్ జాక్ కనెక్టివిటీ ఆప్షన్లుగా ఉన్నాయి. అలాగే హై-రెస్ ఆడియోకు సపోర్ట్ ఉండే స్టీరియో స్పీకర్లతో ఈ మొబైల్‌ వస్తోంది. రియల్‌మీ నార్జో 50 5జీ మొబైల్‌ వెనుక రెండు కెమెరాల సెటప్ ఉంది. 48 మెగాపిక్సెల్ ప్రైమరీ కెమెరా, 2 మెగాపిక్సెల్ బ్లాక్ అండ్ వైట్ మోనోక్రోమ్ సెన్సార్ ఉన్నాయి. వీడియో కాల్స్, సెల్ఫీల కోసం 8 మెగాపిక్సెల్ ఫ్రంట్ కెమెరాతో ఈ మొబైల్‌ వస్తోంది.