న్యాయం చేయాలంటూ పోలీసులను ఆశ్రయించిన మహిళ పట్ల ఓ ఎస్ఐ రాక్షసంగా ప్రవర్తించాడు. దీంతో ఆ బాధితురాలు సీక్రెట్ కెమెరాలతో అతడి ప్రవర్తనను చిత్రీకరించి సోషల్ మీడియాలో పెట్టింది. దీంతో ఉన్నతాధికారులు ఆ కామ పోలీసును సస్పెండ్ చేశారు. దీనికి సంబంధించిన వివరాలిలా ఉన్నాయి. ఉత్తర ప్రదేశ్ డియోరియాలోని భట్ని పోలీస్ స్టేషన్ కు ఓ మహిళ తన కూతురుతో కలిసి భూ వివాదంపై ఫిర్యాదు చేయడానికి వెళ్లింది. ఈ క్రమంలో అక్కడ పని చేసే ఎస్సై భీష్మ్ పాల్ సింగ్ ఫిర్యాదు గురించి మాట్లాడాలంటూ ఆ మహిళను,కూతురిని తన గదిలోకి తీసుకెళ్లాడు. అక్కడ వారి ఎదురుగా హస్త ప్రయోగం చేసుకుంటూ అత్యంత అసభ్యంగా ప్రవర్తించాడు. దీంతో షాకైన మహిళ కూతురు దైర్యం చేసి రహస్యంగా వీడియో తీసింది. అతడి లీలలను రికార్డు చేసి సోషల్ మీడయాలో అప్లోడ్ చేసింది. ఈ వీడియో ఉన్నతాధికారుల వరకు వెళ్లడంతో అతడిని సస్పెండ్ చేశారు. ఇలాంటి వాళ్లు మళ్లీ ఖాకీ డ్రస్సు వేసుకోకుండా శిక్షించాలని స్థానికులు డిమాండ్ చేస్తున్నారు.