శ్రీలంక పర్యటనతో టీమిండియా హెడ్కోచ్గా గౌతమ్ గంభీర్ ప్రస్థానం మొదలుకానుంది. ఈ పర్యటనలో భాగంగా భారత్.. మూడు వన్డేలు, మూడు టెస్టులు ఆడనుంది. పర్యటనలో తొలి మ్యాచ్ జులై 27న జరగనుంది. 2021 తర్వాత భారత క్రికెట్ జట్టు శ్రీలంకలో పర్యటించడం ఇదే తొలిసారి. ఆ పర్యటనలో హెడ్ కోచ్గా రాహుల్ ద్రవిడ్ ఉండగా, భారత ద్వితీయ శ్రేణి జట్టుకు కెప్టెన్గా శిఖర్ ధావన్ ఉన్నాడు. భారత జట్టు శ్రీలంక పర్యటన పూర్తి వివరాలు..
పర్యటనలో భారత్.. మూడు టీ20లను తొలుత ఆడనుంది. ఈ సిరీస్ మొత్తం పల్లెకెలెలోని అంతర్జాతీయ స్టేడియం జరగనున్నాయి. వన్డేలకు కొలంబోలని ప్రేమదాస స్టేడియం ఆతిథ్యం ఇవ్వనుంది. జులై 27, 28, 30 తేదీల్లో మూడు టీ20లు, ఆగస్టు 2, 4, 7 తేదీల్లో వన్డే మ్యాచులు జరగనున్నాయి. టీ20 మ్యాచులు భారత కాలమానం ప్రకారం రాత్రి 7 గంటలకు ప్రారంభం అవుతాయి. వన్డే మ్యాచులు మధ్యాహ్నం 2.30 గంటలకు మొదలవుతాయి.
ఈ పర్యటన కోసం భారత జట్టును ప్రకటించాల్సి ఉంది. అయితే రోహిత్ శర్మ టీ20లకు వీడ్కోలు పలికిన నేపథ్యంలో కెప్టెన్గా హార్దిక్ పాండ్యా నియమితుడయ్యే అవకాశం ఉందని తెలుస్తోంది. సూర్యకుమార్ యాదవ్ వైస్ కెప్టెన్ కానున్నాడు! వచ్చే 12 నెలల్లో భారత్.. 10 టెస్టు మ్యాచులు ఆడనుంది. దీంతో పేసర్లు మహమ్మద్ సిరాజ్, జస్ప్రీత్ బుమ్రాకు విశ్రాంతి ఇచ్చే అవకాశం ఉంది.
విరాట్ కోహ్లీ, రోహిత్ శర్మ సైతం వన్డే సిరీస్ నుంచి విశ్రాంతి కోరే అవకాశం ఉందని తెలుస్తోంది. కానీ కోచ్ గంభీర్ మాత్రం రోహిత్, కోహ్లీ, బుమ్రాలు వన్డే జట్టులో ఉండాలని పట్టుబడుతున్నట్లు సమాచారం. ఒకవేళ రోహిత్ శర్మ వన్డేలు ఆడేందుకు నిరాకరిస్తే ఈ సిరీస్ కోసం వన్డే కెప్టెన్సీని కేఎల్ రాహుల్, శుభ్మన్ గిల్లలో ఒకరికి అప్పగించే అవకాశం ఉంది.
శ్రీలంక జట్టు పరిస్థితి ఏంటి?
టీ20 ప్రపంచకప్ 2024లో గ్రూప్ దశ నుంచి నిష్క్రమించడంతో కెప్టెన్ వానిందు హసరంగా సారథ్య బాధ్యతలు వదిలేశాడు. దీంతో కొత్త కెప్టెన్ను ఎంపిక చేయనున్నారు. కోచ్ సిల్వర్వుడ్ కూడా తప్పుకున్నాడు. అతడి స్థానంలో శ్రీలంక క్రికెట్ దిగ్గజం సనత్ జయసూర్య కోచ్గా నియమితుడయ్యాడు.
భారత్, శ్రీలంక మ్యాచులను ఎక్కడ చూడొచ్చు?
భారత దేశంలో టీమిండియా- శ్రీలంక మ్యాచ్లను సోనీ లివ్ ప్రత్యక్ష ప్రసారం చేయనుంది. మొబైల్లలోనూ ఇదే యాప్లో మ్యాచులను చూడొచ్చు. మ్యాచ్ ప్రారంభానికి 30 నిమిషాల మందు నుంచి లైవ్ ప్రారంభం అవుతుంది.
![]() |
![]() |