ట్రెండింగ్
సిమెంటు రంగంలో ఉన్న సమస్యలని పరిష్కరిస్తా
Andhra Pradesh Telugu | Suryaa Desk | Published : Mon, Jul 15, 2024, 02:37 PM
సిమెంటు డీలర్ల సమస్యలను ప్రభుత్వ దృష్టికి తీసుకెళ్లి పరిష్కారానికి కృషి చేస్తానని పీలేరు ఎమ్మెల్యే నల్లారి కిశోర్‌ కుమార్‌ రెడ్డి పేర్కొన్నారు. ఆదివారం పీలేరు పట్టణంలోని సిమెంటు డీలర్ల అసోసియేషన నాయకులు ఎమ్మెల్యేను ఘనంగా సన్మానించారు. ఈ సందర్భంగా వారు తాము సిమెంటు రంగంలో వస్తున్న మార్పులు, వాటి వల్ల తాము ఎదుర్కొంటున్న సమస్యలను ఆయనకు తెలియజేశారు. ఆ సమస్యలను ప్రభుత్వం దృష్టికి తీసుకెళ్లి పరిష్కారానికి కృషి చేస్తానని ఎమ్మెల్యే కిశోర్‌కుమార్‌రెడ్డి వారికి తెలిపారు. నగరిపల్లెలో జరిగిన ఈ కార్యక్రమంలో డీలర్లు వాసవీ రవి, ఎస్‌కేఆర్‌ అప్సర్‌, మోహన రెడ్డి, ధర్మయ్య, పురుషోత్తం రెడ్డి, యోగానంద, శ్రీకాంత, ఖాదర్‌, సయ్యద్‌, రాజన్న, చంద్రస్వామి, ఇనాయతుల్లా, తదితరులు పాల్గొన్నారు.
|
|