దిగ్గజ బ్యాంక్ శుభవార్త.. క్రెడిట్ కార్డ్ కొత్త రూల్స్.. జూన్ 21 నుంచే అమల్లోకి

ప్రస్తుతం చాలా బ్యాంకులు క్రెడిట్ కార్డుల రివార్డులు, బెనిఫిట్స్ తగ్గించేస్తున్నాయి. రోజుకో బ్యాంక్ ఇలాంటి ప్రకటనలు చేస్తూనే ఉంది. అయితే హెచ్‌డీఎఫ్‌సీ బ్యాంక్ మాత్రం తమ క్రెడిట్ కార్డు యూజర్లకు శుభవార్త అందించింది. తమ క్రెడిట్ కార్డు క్యాష్ బ్యాక్ స్ట్రక్చర్‌ను సవరిస్తున్నట్లు ప్రకటించింది. అదే స్విగ్గీ హెచ్‌డీఎఫ్‌సీ బ్యాంక్ క్రెడిట్ కార్డు. సవరించిన క్యాష్ బ్యాంక్ స్ట్రక్చర్ అనేది వచ్చే నెల జూన్ 21వ తేదీ నుంచి అమలులోకి రానుంది. ఈ క్రమంలో స్విగ్గీ హెచ్‌డీఎఫ్‌సీ కార్డు వినియోగిస్తున్న వారు కచ్చితంగా ఈ విషయం తెలుసుకోవాలి.

జూన్ 21వ తేదీ నుంచి వివిధ ట్రాన్సాక్షన్లపై వచ్చే క్యాష్ బ్యాంక్ అనేది స్విగ్గీ యాప్ లోని స్విగ్గీ మనీలో కనిపించడానికి బదులుగా ఇకపై క్రెడిట్ కార్డు స్టేట్‌మెంట్‌లో కనిపించనుంది. అంటే దీని అర్థం ఈ క్యాష్ బ్యాక్ అనేది ఆ తదుపరి నెల స్టేట్‌మెంట్ బ్యాలెన్సును తగ్గించనుంది. ' క్రెడిట్ కార్డుపై వచ్చే క్యాష్ బ్యాక్ ఇప్పుడు మరింత సానుకూలంగా మారనుంది.' అని పలువురు క్రెడిట్ కార్డు మార్కెట్ నిపుణులు చెబుతున్నారు. ఉదాహరణకు మీ క్రెడిట్ కార్డు స్టేట్‌మెంట్ అనేది ప్రతి నెలా 21వ తేదీన జనరేట్ అవుతుంది అనుకుందాం. అంతకు ముందు నెలలో మీరు అందుకున్న క్యాష్ బ్యాక్ అనేది మీ స్టేట్‌మెంట్ లో కనిపిస్తుంది. మీరు చెల్లించాల్సిన డబ్బులను తగ్గిస్తుంది.

'మీ ఆర్థిక విషయాలను మరింత సులభంగా ట్రాక్ చేయడంలో, మీ క్యాష్ బ్యాక్‌ను మరింత సమర్థవంతంగా ఉపయోగించడంలో మీకు సహాయపడేందుకు ఈ మార్పులు చేయడం జరిగింది' అని హెచ్‌డీఎఫ్‌సీ బ్యాంక్ ప్రతినిధి ఒకరు మీడియాతో చెప్పారు. అయితే, జూన్ 20 వరకు వచ్చే క్యాష్ బ్యాక్ అనేది స్విగ్గీ యాప్‌లోనే కనిపిస్తుందని గుర్తు చేశారు. హెచ్‌డీఎఫ్‌సీ బ్యాంక్ తాజాగా తీసుకున్న నిర్ణయం కార్డుదారులకు ప్రయోజనం చేకూరుస్తుందని తెలిపారు. క్యాష్ బ్యాక్ ద్వారా బిల్లు తగ్గడంతో భారం తగ్గించుకోవచ్చన్నారు.