హైదరాబాద్లో మరో భారీ అగ్నిప్రమాదం సంభవించింది. రాజేంద్రనగర్ సర్కిల్ పరిధిలోని గగన్ పహాడ్లో థర్మకోల్ కంపెనీలో ఒక్కసారిగా మంటలు చెలరేగటంతో అగ్ని ప్రమాదం సంభవించింది. అగ్నికీలలు ఎగిసిపడుతుండటంతో.. పరిసరాల్లో దట్టమైన పొగ అలుముకుంది. మంటలు, పొగ తీవ్రస్థాయిలో వ్యాపిస్తుండటంతో.. స్థానికులు తీవ్ర భయాందోళనకు గురవుతున్నారు. గగన్ పహాడ్ పారిశ్రామిక వాడలో ఉన్న ఓ థర్మకోల్ కంపెనీలో ప్రమాదవశాత్తు ఒక్కసారిగా మంటలు చెలరేగటంతో.. కార్మికులతో పాటు స్థానికులు ఉక్కిరిబిక్కిరి అయ్యారు. సమాచారం అందుకున్న అగ్నిమాపక సిబ్బంది హుటాహుటిన ప్రమాద స్థలికి చేరుకుని మంటలు ఆర్పేందుకు తీవ్రంగా ప్రయత్నిస్తున్నారు. ఆరు ఫైర్ ఇంజన్లు రంగంలోకి దిగాయి. అయితే.. పెద్ద ఎత్తున అగ్నికీలలు ఎగిసిపడుతుండటంతో.. థర్మకోల్ కంపెనీ నుంచి మంటలు ఆయిల్ ఫ్యాక్టరీకి సైతం మంటలు వ్యాపిస్తున్నట్టు సమాచారం. ఈ క్రమంలో.. స్థానికులు భయాందోళనకు గురవుతున్నారు. ఈ ప్రమాదం వల్ల కోట్ల రూపాయల మేరకు ఆస్తి నష్టం జరిగినట్లు తెలుస్తుంది. పూర్తి వివరాలు తెలియాల్సి ఉంది. మంటలను అదుపులోకి తీసుకొచ్చేందుకు అగ్నిమాపక సిబ్బంది తీవ్ర స్థాయిలో శ్రమిస్తున్నారు.
![]() |
![]() |