కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ సినిమాకి గ్రేటెస్ట్ ఆఫ్ ఆల్ టైమ్ (G.O.A.T.) అనే టైటిల్ ని లాక్ చేసారు. ఈ ప్రతిష్టాత్మక ప్రాజెక్ట్లో విజయ్ ద్విపాత్రాభినయం చేయనున్నాడు. ఈ సినిమా సెప్టెంబర్ 5, 2024న గ్రాండ్ విడుదల కానుంది. వెంకట్ ప్రభు ఇటీవల ఇన్స్టాగ్రామ్లో ఈ చిత్రానికి సంబంధించిన రీ-రికార్డింగ్ ప్రారంభించినట్లు ప్రకటించారు. డైరెక్టర్ ప్రఖ్యాత సంగీతకారుడు యువన్ శంకర్ రాజా ఉన్న చిత్రాన్ని పంచుకున్నాడు. ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు. ఎజిఎస్ ఎంటర్టైన్మెంట్ బ్యానర్పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్కి యువన్ శంకర్ రాజా సంగీతం అందించనున్నారు.
![]() |
![]() |