'ఆపరేషన్ రావణ్' ప్రీ రిలీజ్ ఈవెంట్ కి ముఖ్య అతిధిగా స్టార్ డైరెక్టర్
cinema | Suryaa Desk | Published : Wed, Jul 24, 2024, 04:23 PM
వెంకట సత్య దర్శకత్వంలో హీరో రక్షిత్ అట్లూరి తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ సినిమాకి ఆపరేషన్ రావన్ అనే టైటిల్ ని లాక్ చేసారు. ఈ సినిమా జులై 26, 2024న ప్రపంచవ్యాప్తంగా థియేట్రికల్ విడుదల కానుంది. తాజాగా మూవీ మేకర్స్ జులై 25న హైదరాబాద్ లోని ప్రసాద్ లాబ్స్ లో జరగనున్న ఈ సినిమా ప్రీ రిలీజ్ ఈవెంట్ కి డైరెక్టర్ మారుతీ చీఫ్ గెస్ట్ గా హాజరుకానున్నట్లు ప్రకటించారు. ధ్యాన్ అట్లూరి నిర్మించిన ఈ సస్పెన్స్ థ్రిల్లర్‌లో సంగీత విపిన్ కథానాయికగా నటించారు. ద్విభాషా సైకో థ్రిల్లర్‌గా రూపొందుతున్న ఈ చిత్రం తెలుగు, తమిళ భాషల్లో విడుదల కానుంది. ఈ సినిమాలో రాధికా శరత్‌కుమార్, చరణ్ రాజ్, కాంచి, రాకెట్ రాఘవ, రఘు కుంచె, KA పాల్ రాము, విద్యా సాగర్, TV5 మూర్తి, కార్తీక్ మరియు ఇతరులు కీలక పాత్రలు పోషిస్తున్నారు. శరవణ వాసుదేవన్ ఈ చిత్రానికి సంగీతం అందిస్తున్నారు.
|
|