పవర్ స్టార్ అభిమానులకు హరీష్ శంకర్ ప్రామిస్
cinema | Suryaa Desk | Published : Sat, May 21, 2022, 11:29 AM
హరీష్ శంకర్ దర్శకత్వంలో టాలీవుడ్ పవర్‌స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'భవదీయుడు భగత్ సింగ్' అనే టైటిల్‌ను మేకర్స్ ఖరారు చేసారు. ఈ మాస్ ఎంటర్‌టైనర్‌ మూవీలో పవన్ కళ్యాణ్ సరసన సిజ్లింగ్ బ్యూటీ పూజాహెగ్డే జంటగా నటించనుంది. ఈ సినిమాలో అవార్డ్ విన్నింగ్ యాక్టర్ పంకజ్ త్రిపాఠి కీలక పాత్ర పోషిస్తున్నట్లు మేకర్స్ వెల్లడించారు. తాజాగా జరిగిన మీడియా ఇంటరాక్షన్ లో ఈ సినిమా గురించి హరీష్ శంకర్ మాట్లాడుతూ.... భవదీయుడు భగత్ సింగ్' చిత్రం ఆసక్తికరంగా సాగుతుంది. సినిమాలో పవన్ చెప్పే డైలాగులు చిరస్థాయిగా నిలిచిపోయేలా ఉంటాయి. భ‌వాదీయుడు భగత్ సింగ్ ఈ ఆగ‌స్టులో సెట్స్‌పైకి వ‌స్తుంద‌ని హరీష్ అన్నారు. మాస్ అండ్ సోషల్ ఎంటర్‌టైనర్‌ ట్రాక్ లో రానున్న ఈ సినిమా స్క్రిప్ట్‌ను హరీష్ శంకర్ ఇప్పటికే పూర్తి చేసినట్లు సమాచారం. పవర్ స్టార్ అభిమానులు పవన్ అండ్ హరీష్ కాంబో లో రానున్న సినిమా కోసం చాలా కాలంగా ఎదురుచూస్తున్నారు. మైత్రీ మూవీ మేకర్స్ ఈ పవర్ ఫుల్ మూవీని భారీ ఎత్తున నిర్మిస్తున్నారు.
|
|