హీరో నితిన్ చేతిలో కమల్ హాసన్ 'విక్రమ్' తెలుగు హక్కులు
cinema | Suryaa Desk | Published : Fri, May 20, 2022, 12:29 PM
విశ్వనటుడు కమల్ హాసన్ నటించిన హై ఇంటెన్స్ యాక్షన్ ఎంటర్టైనర్ విక్రమ్. లోకేష్ కనగరాజ్ డైరెక్ట్ చేసారు. అనిరుద్ రవిచంద్రన్ సంగీతం అందించారు. వెర్సటైల్ యాక్టర్స్ విజయ్ సేతుపతి, ఫాహద్ ఫాజిల్ కీ రోల్స్ ప్లే చేసారు. ఈ సినిమాలో హీరో సూర్య అతిధి పాత్రలో నటిస్తున్నారని ఇటీవలే దర్శకుడు లోకేష్ కానగరాజ్ ఎనౌన్స్ చేసారు. ప్రపంచవ్యాప్తంగా జూన్ 3న థియేటర్లలో విడుదల కాబోతుంది. రీసెంట్ గా రిలీజైన ట్రైలర్ తో ఈ సినిమాపై ప్రేక్షకుల్లో పాజిటివ్ బజ్ క్రియేట్ అయ్యింది. విక్రమ్ హిట్లిస్ట్ పేరుతో హిందీలో కూడా విడుదలైన ఈ మూవీ ట్రైలర్ కు ఉత్తరాది ప్రేక్షకుల నుండి మంచి స్పందన వచ్చింది. త్వరలోనే విక్రమ్ తెలుగు ట్రైలర్ కూడా రాబోతుంది. ఈ మూవీని తెలుగులో రిలీజ్ చేసే హక్కులను ప్రముఖ టాలీవుడ్ హీరో నితిన్ కొనుక్కున్నారు. నితిన్ సొంత బ్యానర్ ఐన శ్రేష్ట్ మూవీస్ విక్రమ్ తెలుగు రైట్స్ ను వశం చేసుకుంది. ఈ ప్రెస్టీజియస్ మూవీ హక్కులను చేజిక్కించుకునేందుకు నితిన్ భారీ మొత్తాన్నే వెచ్చించాడని వినికిడి. అయితే, ఎంత అన్నది ఇంకా బయటకు రాలేదు. త్వరలోనే, దేశవ్యాప్తంగా విక్రమ్ మూవీ ప్రమోషన్స్ ను చేసేందుకు చిత్రబృందం సిద్ధమవుతోంది.
|
|