ఎన్ఐసీ కంప్యూటర్లు హ్యాక్ ..అందులో దేశ ప్రముఖుల సమాచారం..
national | Suryaa Desk | Published : Fri, Sep 18, 2020, 12:52 PM
భారత ప్రధాని నరేంద్ర మోదీ, జాతీయ భద్రతా సలహాదారు అజిత్ ధోవల్ సహా పలువురు ప్రముఖులు, దేశ భద్రతకు సంబంధించిన ఎంతో సమాచారం ఉన్న నేషనల్ ఇన్ఫర్మాటిక్స్ సెంటర్ (ఎన్ఐసీ) కంప్యూటర్లు హ్యాక్ అయ్యాయి. ఈ విషయాన్ని వెల్లడించిన న్యూఢిల్లీ స్పెషల్ బ్రాంచ్ పోలీసులు, కేసు నమోదు చేశామని వెల్లడించారు.
ఈ హ్యాకింగ్ కు పాల్పడింది బెంగళూరుకు చెందినదని, అమెరికాకు చెందిన భారత కార్యాలయం అని ప్రాధమికంగా గుర్తించామని వెల్లడించారు. ఎన్ఐసీకి చెందిన ఉద్యోగులకు ఒక ఈ మెయిల్ వచ్చిందని, దాన్ని తెరచి, లింక్ ను ఓపెన్ చేయగానే కంప్యూటర్ హ్యాక్ అయిందని తెలిపారు. ఈ హ్యాకింగ్ పై మరిన్ని వివరాలు తెలియాల్సి వుంది.
కాగా, రాష్ట్రపతి రామ్ నాథ్ కోవింద్, మోదీ సహా దాదాపు 10 వేల మంది ప్రముఖులపై చైనా గూఢచర్యం చేస్తోందని ఈ వారం ఆరంభంలో వచ్చిన వార్త తీవ్ర కలకలం రేపిన నేపథ్యంలో, ఇప్పుడీ కంప్యూటర్ల హ్యాక్ కలకలం సృష్టిస్తోంది.
|
|