బ్యాంకులకు వచ్చే నెలలో ఎక్కువ రోజులు సెలవులు రానున్నాయి. నగదు వ్యవహారాలు నడిపే వారు చెక్కులు డిపాజిట్ చేయడం, డీడీలు జమ చేయడం వంటివి ఉంటే ఎంత వేగంగా చేసుకుంటే అంత మంచిది. అక్టోబర్ లో గాంధీ జయంతి, దసరా, దీపావళి సహా ఇతర జాతీయ ఈవెంట్లను పరిగణలోకి తీసుకుంటే బ్యాంకులకు, ప్రభుత్వ కార్యాలయాలకు అక్టోబర్ నెలలో 11 రోజులు సెలవులు ఉన్నాయి. బ్యాంక్ సెలవులు బ్యాంకు ప్రాతిపదికన మారొచ్చు.
అక్టోబర్ 2: గాంధీ జయంతి కారణంగా బ్యాంకులు పనిచేయవు.
అక్టోబర్ 6,7,8: బ్యాంకులు ఈ మూడు రోజుల్లోనూ పనిచేయవు. అక్టోబర్ 6న ఆదివారం. అక్టోబర్ 7న రామ్ నవమి, అక్టోబర్ 8న దసరా సందర్భంగా బ్యాంకులకు సెలవు ఉంది.
అక్టోబర్ 12, 13: అక్టోబర్ 12న రెండో శనివారం. ఆరోజున బ్యాంకులు ఉండవు. ఇక అక్టోబర్ 13న ఆదివారం. ఈ రోజు ఎలాగూ బ్యాంకులు పనిచేయవు.
అక్టోబర్ 20: ఈ రోజు ఆదివారం. బ్యాంకులకు సెలవు.
అక్టోబర్ 26, 27: బ్యాంకులు నెల చివరి నాలుగు రోజులు పనిచేయవు. అక్టోబర్ 26న నాలుగో శనివారం. అక్టోబర్ 27న అదివారం. ఈ రోజే దీపావళి కూడా.
అక్టోబర్ 28, 29: అక్టోబర్ 28న గోవర్ధన్ పూజ ఉంటుంది. బ్యాంకులు పనిచేయవు. అక్టోబర్ 29న భాయ్దూజ్ సందర్భంగా బ్యాంకులకు సెలవు ఉంది.
ఇక ఆంధ్రప్రదేశ్, తెలంగాణ రాష్ట్రాల విషయానికి వస్తే.. అక్టోబర్ నెలలోని రెండు, నాలుగో శనివారాలైన 12, 26 (దీపావళి కూడా ఈ రోజే) తేదీల్లో బ్యాంకులు పనిచేయవు. ఇకపోతే అక్టోబర్ నెలలో వచ్చే నాలుగు ఆదివారాలు 6, 13, 20, 27 తేదీల్లో ఎలాగూ బ్యాంకులకుసెలవు.వీటికి అదనంగా బ్యాంకు ఉద్యోగులకు మరో రెండు రోజులు సెలవులు ఉన్నాయి. అక్టోబర్ 2న గాంధీ జయంతి సందర్భంగా బ్యాంకులు ఉండవు. అలాగే 8వ తేదీ మంగళవారం విజయ దశమి (దసరా) సందర్భంగా బ్యాంకులు పనిచేయవు. ఇరు తెలుగు రాష్ట్రాల్లోని బ్యాంకులకు ఇవే సెలవులు వర్తిస్తాయి.ఇకపోతే బ్యాంకులకు సెలవులు ఉన్నా కూడా నెట్ బ్యాంకింగ్ చేసేవారికి మాత్రం ఎటువంటి ఆటంకాలు ఉండవు. ఆన్లైన్, డిజిటల్ లావాదేవీలు యథావిథిగా కొనసాగుతాయి. ఏదేమైనా ఎప్పుడైనా బ్యాంక్ సెలవు ఉంటే.. అప్పుడు ఆయా రోజుల్లో ఏదైనా నగదు లావాదేవీ వ్యవహారాలు ప్లాన్ చేసి ఉంటే దానికి తగ్గట్లుగా ఇప్పటి నుంచే సిద్ధమవ్వడం మంచిది.