ఏపీలో ఇంటర్ విద్యకు సంబంధించి 2021-22 విద్యాసంవత్సరానికి ఇంటర్ బోర్డు క్యాలెండర్ విడుదల చేసింది. ఈ విద్యాసంవత్సరంలో 188 పనిదినాలున్నాయి. సెకండియర్ విద్యార్థులకు జూలై 1వ తేదీ నుంచి ఆన్లైన్ తరగతులు ప్రారంభించిన బోర్డు ఈనెల 16 నుంచి ప్రత్యక్ష తరగతులు నిర్వహిస్తున్న విషయం తెలిసిందే. ఫస్టియర్ విద్యాసంవత్సరానికి సంబంధించిన ప్రవేశాలను ఈ ఏడాది ఆన్లైన్లో నిర్వహించనున్నారు. ఇందుకు సంబంధించి ఆన్లైన్ దరఖాస్తు తేదీని ఈనెల 27వ తేదీ వరకు బోర్డు పొడిగించింది. అడ్మిషన్లు పూర్తయిన అనంతరం సెప్టెంబర్ 1వ తేదీ నుంచి ఫస్టియర్ విద్యార్థులకు తరగతులను ప్రారంభించనుంది.
ఇంటర్ బోర్డు క్యాలెండర్ ప్రకారం ఈ విద్యాసంవత్సరంలో 47 సెలవు దినాలున్నాయి. అన్ని రెండో శనివారాలు పనిదినాలుగానే ఉంటాయి. టర్మ్ సెలవులు లేవు. వేసవి సెలవుల్లో అన్ని యాజమాన్యాల్లోని జూనియర్ కళాశాలలను మూసి ఉంచాలి. రాష్ట్ర ప్రభుత్వం ప్రకటించిన మేరకు అన్ని ఆదివారాలు, పబ్లిక్ సెలవు దినాలను తప్పనిసరిగా పాటించాలి.
తాత్కాలిక షెడ్యూల్ ఇదే..
ఫస్ట్ టర్మ్ : 2021 సెప్టెంబర్ 1 నుంచి డిసెంబర్ 18 వరకు
మొదటి యూనిట్ టెస్ట్ : 2021 అక్టోబర్
రెండో యూనిట్ టెస్ట్: 2021 నవంబర్
మూడో యూనిట్ టెస్ట్: 2021 డిసెంబర్ 12 నుంచి
సెకండ్ టర్మ్: 2021 డిసెంబర్ 20 నుంచి 2022 ఏప్రిల్ 23 వరకు
మూడో యూనిట్ టెస్ట్: 2022 జనవరి
నాలుగో యూనిట్ టెస్ట్: 2022 ఫిబ్రవరి
ఫ్రీ ఫైనల్ పరీక్షలు: 2022 ఫిబ్రవరి చివరి వారం
థియరీ పబ్లిక్ పరీక్షలు: 2022 మార్చి మొదటి వారంలో
చివరి పనిదినం: 2022 ఏప్రిల్ 23
వేసవి సెలవులు: 2022 ఏప్రిల్ 24 నుంచి మే 31 వరకు
అడ్వాన్సుడ్ సప్లిమెంటరీ - 2022 మే చివరి వారంలో
2022-23 విద్యా సంవత్సరం ప్రారంభం - 2022 జూన్ 1 నుంచి