ట్రెండింగ్
Epaper    English    தமிழ்

ఈ నగరాల్లో మాత్రం సామాన్యుడి...పేదోడు బతికేయవచ్చు అటా

international |  Suryaa Desk  | Published : Sun, Dec 04, 2022, 12:07 AM

ప్రపంచంలోనే అత్యంత ఖరీదైన నగరాలు, అత్యంత చౌక నగరాలు ఏమిటో తెలుసా..? న్యూయార్క్, సింగపూర్. ఈ రెండు నగరాలు కాస్ట్లీ నగరాలుగా ఖ్యాతీని ఘడించాయి. ఇక చౌక నగరాలుగా డమాస్కస్‌, ట్రిపోలి నిలిచాయి. 2020 ఏడాదికి... ఖరీదైన నగరాల జాబితాను ఎకనామిస్ట్ ఇంటెలిజెన్స్ యూనిట్‌ అనే సంస్థ తాజాగా విడుదల చేసింది. ఈ సర్వే ప్రకారం న్యూయార్క్, సింగపూర్‌లు అత్యంత ఖరీదైన నగరాలుగా మొదటి స్థానంలో నిలిచాయి.


టాప్ 10 నగరాలు..


వరల్డ్ వైడ్ కాస్ట్ ఆఫ్ లివింగ్ నివేదిక ప్రకారం ప్రపంచంలోని 172 ప్రధాన నగరాల్లో జీవన వ్యయం సగటున 8.1 శాతం పెరిగింది. గత ఏడాదితో పోలీస్తే ఖర్చు బాగా పెరిగింది. దీనికి ఉక్రెయిన్ యుద్ధంతో సహా చాలా కారణాలు ఉన్నాయి. గత ఏడాది జాబితాలో మొదటి స్థానంలో ఉన్న ఇజ్రాయెల్‌లోని టెల్ అవీవ్ నగరం ఈసారి మూడో స్థానానికి పరిమితం అయింది.


ఇక హాంగ్కాంగ్, లాస్ ఏంజెల్స్ నగరాలు నాలుగు, ఐదు స్థానాల్లో నిలిచాయి. ఇక స్విట్జర్లాండ్‌లోని జ్యూరిచ్‌ ఆరో స్థానంలో, జెనీవా (స్విట్జర్లాండ్‌) ఏడో స్థానం, శాన్‌ఫ్రాన్సిస్కో (అమెరికా) ఎనిమిదో స్థానానికి పడిపోయాయి. తర్వాతి స్థానాల్లో ప్యారిస్‌ (ఫ్రాన్స్‌), డెన్మార్క్‌లోని కోపెన్‌ హ్యాగెన్‌, ఆస్ట్రేలియాలోని సిడ్నీ నగరాలు నిలిచాయి. ఇక ప్రపంచంలోనే అత్యంత చౌకైనా నగరాలుగా సిరియా రాజధాని డమాస్కస్‌, లిబియాలోని ట్రిపోలి.. నిలిచాయి.


మన నగరాలు ఎక్కడ..?


ఇక భారతదేశంలో ఒక్క నగరం కూడా టాప్-100లో నిలివలేదు. ఏ సిటీ కూడా టాప్ 100లో చోటు దక్కించుకోలేకపోయాయి. 172 నగరాల జాబితాలోలో మాత్రం మూడు నగరాలు ఉన్నాయి. 161 స్థానంలో బెంగళూరు, చెన్నై 164వ స్థానంలో, అహ్మదాబాద్ 165వ స్థానంలో నిలిచింది.


అంతేకాదు ఈ నివేదికలో న్యూయార్క్, సింగపూర్ నగరాలకు సంబంధించి మరిన్ని వివరాలు తెలియజేశాయి. న్యూయార్క్, సింగపూర్‌ వంటి పెద్ద నగరాలు ప్రపంచవ్యాప్తంగా పర్యాటకులను ఆకర్షిస్తున్నాయని నివేదికలో పేర్కొన్నారు. ఏడాది పొడవునా పర్యాటకులు అక్కడకు వెళ్లేందుకు ఆసక్తి చూపిస్తున్నారని, ఎక్కువగా దర్శించే స్థానంలో ఈ సిటీలు ఎప్పుడూ టాప్‌ ప్లేస్‌లోనే ఉంటున్నాయని నివేదిక తెలియజేసింది.







SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com