ట్రెండింగ్
Epaper    English    தமிழ்

ఆలయం ముందే చోరీకి యత్నించి,,,,తాళాలు పగలగొట్టేందుకు మహిళ విఫలయత్నం

Telangana Telugu |  Suryaa Desk  | Published : Sun, Jul 28, 2024, 08:00 PM

వేములవాడ శ్రీ రాజరాజేశ్వర స్వామి ఆలయం నిత్యం వేలాది భక్తులతో రద్దీగా ఉంటుంది. ఆలయ పరిసరాలు ఎప్పుడూ కిక్కిరిసిపోతుంటాయి. అయితే.. ఉదయం సమయంలో భక్తుల రద్దీ ఉండగా.. రాత్రి సమయాల్లో మాత్రం అంతగా అలజడి ఉండదు. ఇక అదే సమయాన్ని అదునుగా తీసుకుని ఓ మహిళ తన పని మొదలుపెట్టేసింది. శనివారం (జులై 27న) తెల్లవారుజామున.. ఆలయ పరిసరాల్లో ఉన్న ఓ సెల్ పాయింట్‌ దుకాణానికి గుర్తు తెలియని మహిళ దొంగతనానికి వచ్చింది.


దుకాణం షెటర్‌‌కు ఉన్న తాళాన్ని పగళగొట్టేందుకు రాయితో తీవ్రంగా ప్రయత్నించింది. కానీ.. ఆ తాళం తన మాట వినకపోయేసరికి.. పక్క దుకాణం ఏమైనా వర్కౌట్ అవుతుందేమోనని వెళ్లింది. ఇక.. అక్కడ కూడా అలాంటి తాళాలే వేసి ఉండటంతో.. నిరాశకు గురైంది. తనకు వర్కవుట్ కాదనుకుందో ఏమో కానీ.. తిరిగి వెళ్లిపోదామని బయలుదేరింది. ఈ క్రమంలో.. ఒక్కసారి పైకి చూడగా.. అక్కడ తననే చూస్తున్న నిఘా నేత్రం.. అదేనండి సీసీ కెమెరా కనిపించింది. దాన్ని చూసి ఒక్కసారిగా షాక్ అయ్యింది. ఇంతసేపు తాను చేసిన పని మొత్తం అందులో రికార్డయిందా లేదా.. అసలు అది పని చేస్తుందా.. ఇలా ఎన్నో ప్రశ్నలకు తన మదిలో ఒక్కసారిగా రేకెత్తటంతో.. అలా చూస్తూనే ఉండిపోయింది. కాసేపటికి ఇక చేసేదేమీ లేక సైలెంట్‌గా అక్కడి నుంచి జారుకుంది.


ఒక్క సీసీ కెమెరా పది మంది పోలీసులతో సమానం అని ఆ పోలీసులే చెప్తున్నారు. ఆ మాట ముమ్మాటికీ నిజమేనండోయ్. ఏ నేరం జరిగినా.. పోలీసులు కూడా సీసీ కెమెరాల ఆధారంగానే దర్యాప్తు చేస్తూ.. ఎన్నో కేసులను ఛేదిస్తున్నారు. ఇప్పటికే రోడ్లపై ఎక్కడికక్కడా సీసీ కెమెరాలు ఏర్పాటు చేయగా.. వ్యాపారస్థులు, సాధారణ ప్రజలు కూడా తమ ఇళ్ల ప్రాంగణాల్లో నిఘా నేత్రాలను ఏర్పాటు చేసుకుంటున్నారు.










SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com