ట్రెండింగ్
వారంలో పదో తరగతి, ఇంటర్ ఫలితాలు
Telangana Telugu | Suryaa Desk | Published : Sun, May 07, 2023, 10:56 PM
తెలంగాణలోో ఎపుడెపుడా అని ఎదురుచూస్తున్న తెలంగాణ పదో తరగతి, ఇంటర్ ఫలితాలకు సంబంధించి కీలక అప్ డేట్ వచ్చింది. అనధికారిక వర్గాల సమాచారం మేరకు వచ్చే వారంలో పదో తరగతి, ఇంటర్ ఫలితాలు ప్రకటించే అవకాశం ఉంది. ఈ రెండు పరీక్షలకు సంబంధించిన జవాబు పత్రాల మూల్యాంకనం పూర్తయిందని తెలుస్తోంది. ఫలితాల ప్రాసెసింగ్ తుది దశలో ఉందని అధికార వర్గాల సమాచారం.
ఈ నెల 10న ఇంటర్మీడియెట్ ఫలితాలు, 12న పదో తరగతి ఫలితాలు ప్రకటించే అవకాశం ఉందని తెలుస్తోంది. ఈ విషయంపై ఒకటి రెండు రోజుల్లో అధికారిక ప్రకటన వెలువడనుంది. రాష్ట్రంలో మార్చి 15 నుంచి ఏప్రిల్ 4 వరకు నిర్వహించిన ఇంటర్ పరీక్షలకు 5,05,625 మంది విద్యార్థులు హాజరయ్యారు. ఏప్రిల్ 3 నుంచి ఏప్రిల్ 13 వరకు జరిగిన పదో తరగతి పరీక్షలను 7,39,493 మంది విద్యార్థులు రాశారు.
|
|
