అల్లూరి జిల్లాలో అతిపెద్ద పుట్టగొడుగు,,,2 అడుగుల ఎత్తు, 3 అడుగల వెడల్పు

అల్లూరి సీతారామరాజు జిల్లాలో అతిపెద్ద పుట్టగొడుగు అందరి దృష్టిని ఆకర్షిస్తోంది. సాధారణంగా పుట్ట గొడుగు 3, 4 అంగుళాలు మాత్రమే ఉంటాయి. కానీ వరరామచంద్రాపురం మండలం ఉమ్మడివరంలో ఏకంగా 2 అడుగుల ఎత్తు, 3 అడుగుల వెడల్పుతో పుట్టగొడుగు పెరిగింది. కొద్దిరోజులుగా వర్షం కురుస్తోంది.. ఆదివారం సాయంత్రం ఇక్కడ భారీ వాన పడగా.. సోమవారం పుట్ట గొడుగు పెరిగింది. దీనిని గమనించిన స్థానికులు ఆశ్చర్యపోయారు.

ఈ పుట్టగొడుగు మంగళవారం నాటికి అది భారీగా పెరిగిపోయింది అంటున్నారు. దీనిని చూసిన స్థానికులు, చుట్టుపక్కల వాళ్లు మొదట ఆశ్చర్యపోయి.. ఆ తర్వాత పూజలు కూడా చేశారు. మర్రిగూడెం ఉన్నత స్కూల్ టీచర్ వెంకటరావు దీన్ని పరిశీలించారు. మూడు గొడుగులు ఒకదానిపై, మరొకటి చాలా పెద్దగా రావడం వింతగా ఉంది అన్నారు. ఇది కొద్దిరోజులు మాత్రమే ఇలా ఉంటుందని.. ఆ తర్వాత వాడిపోతుందని చెప్పారు. ఇలాంటి శిలీంధ్రాలు మన్యం ప్రాంతంలో కనిపించడం ఇదే తొలిసారి అంటున్నారు.

మరోవైపు అటవీ శాఖ పరిధిలో ఏనుగులు సంచరించే ప్రాంతాల ప్రజలు జాగ్రత్తగా ఉండాలని డీఎఫ్‌వో సూచించారు. పులిగుమ్మి, సీతానగరం మండలం గుచ్చిమి ప్రాంతాల్లో గజరాజుల గుంపు తిరుగుతున్నాయని గుర్తించామని.. గుచ్చిమి కొండ వెంట ఉన్న మామిడితోటల్లోనే మూడు రోజులుగా ఏడు ఏనుగుల గుంపు సంచరిస్తున్నట్లు తెలిపారు. గుచ్చిమి, తాన్నసీతారాంపురం, సూరంపేట గ్రామ పరిసరాల్లో బస చేస్తున్నాయన్నారు. ఈ ఏనుగులు గ్రామాల వైపు వెళ్లకుండా సిబ్బంది అప్రమత్తంగా ఉండాలని సూచించారు.

ఈ ఏగుగులవల్ల జరిగే నష్టాలకు స్థానిక వీఆర్వోలతో కలిసి వెంటనే అంచనాలు వేయాలని ఆదేశించారు. అంతేకాదు కుంకీ ఏనుగుల సంరక్షణ కేంద్రం ఏర్పాటు చేసే ప్రాంతాల్లో త్వరలో పనులు మొదలవుతాయి అన్నారు. గ్రామ పరిసరాల్లోకి ఏనుగులు వస్తే వాటిని కవ్వించకుండా.. తమ సిబ్బందికి సమాచారం అందించాలని స్థానికులను కోరారు. ప్రతిరోజూ సాయంత్రం 6 నుంచి మరుసటి రోజు ఉదయం 6 గంటల వరకు ఒంటరిగా తిరగొద్దని సూచించారు అటవీశాఖ అధికారులు. ప్రజలంతా జాగ్రత్తగా ఉండాలని సూచిస్తున్నారు అటవీశాఖ అధికారులు.