ఊహించిన దానికంటే వేగంగా ఎంపాక్స్‌ కొత్త వేరియంట్ వ్యాప్తి

మంకీపాక్స్ రూపంలో ప్రపంచానికి మరో మహమ్మారి దూసుకొస్తోంది. ఆఫ్రికా దేశం కాంగో రిపబ్లికన్‌లో విజృంభిస్తోన్న కొత్త రకం వేరియంట్.. ఊహించిన దాని కంటే వేగంగా వ్యాప్తిచెందడం తీవ్ర ఆందోళనకు గురిచేస్తోంది. వ్యాధిని ట్రాక్ చేయడానికి అవసరమైన నిధులు, పరికరాలు లేని ప్రాంతాల్లో వైరస్ అతివేగంగా రూపాంతరం చెందుతోందని శాస్త్రవేత్తల అధ్యయనంలో వెల్లడయ్యింది. ఆఫ్రికా, ఐరోపా, అమెరికాకు చెందిన శాస్త్రవేత్తలు రాయిటర్స్‌తో మాట్లాడుతూ.. వైరస్, దాని తీవ్రత, అది ఎలా వ్యాపిస్తోంది, ప్రతిస్పందనను క్లిష్టతరం చేస్తుందో వివరించారు.

ఆఫ్రికాలోని పలు ప్రాంతాల్లో 1970 నుంచి ఎంపాక్స్ వైరస్.. ప్రజారోగ్యాన్ని ప్రభావితం చేస్తోంది. కానీ, 2022 వరకు దీని ఉనికి గురించి ప్రపంచానికి అంతగా అవగాహన లేదు. ఐరోపా దేశాల్లోకి ఈ వైరస్ వ్యాప్తిచెందడంతో ప్రపంచ ఆరోగ్య సంస్థ హెల్త్ ఎమర్జెన్సీ ప్రకటించింది. వైరస్ ప్రభావం చూపకపోవడంతో 10 నెలల అనంతరం ఎమర్జెన్సీని ఎత్తివేసింది. తాజాగా, కొత్తరకం వేరియంట్ క్లాడ్ 1బీ  వ్యాప్తిలోకి రావడంతో మళ్లీ ప్రపంచ ఆరోగ్య అత్యవసర పరిస్థితిని ప్రకటించింది డబ్ల్యూహెచ్ఓ. కొత్త వేరియంట్ క్లాడ్ 1 నుంచి రూపాంతరం చెందినట్టు శాస్త్రవేత్తలు గుర్తించారు.

కాంగోలో వ్యాధికారక జంతువుల నుంచి మానవులకు వ్యాపించిన ఈ వేరియంట్‌ను దశాబ్దాల కిందట ఎండమిక్‌‌గా ప్రకటించారు. సాధారణంగా ఫ్లూ వంటి లక్షణాలు, చీముతో కూడిన పొక్కులతో ప్రాణాంతకంగా మారుతుంది. ఇక, కాంగాలో ఈ ఏడాది ఇప్పటి వరకూ క్లాడ్-1 వైరస్ బాధితుల సంఖ్య 18 వేలకుపైగా ఉండగా.. 1బీ వేరియంట్ బారినపడ్డవారిలో 615 మంది చనిపోయినట్టు డబ్ల్యూహెచ్ఓ వెల్లడించింది. గత నెల ఆఫ్రికాలోని నాలుగు దేశాల్లో 222 క్లాడ్-1బీ కేసులు నిర్దారణ కాగా.. ఆఫ్రికాకు వెళ్లొచ్చిన స్వీడన్, థాయ్‌లాండ్‌ చెందిన ఒక్కో వ్యక్తి ఈ వైరస్ బారినపడ్డారు.

‘మనం గుడ్డిగా పనిచేస్తున్నాం.. ఆఫ్రికాలో పరిస్థితి ఆందోళకరంగా ఉంది’ డబ్ల్యూహెచ్ఓ ఎంపాక్స్ ఎమర్జెన్సీ కమిటీ అధ్యక్షుడు, నైజీరియాలోని నైజర్ డెల్టా యూనివర్సిటీ హాస్పిటల్ ఇన్‌ఫక్టియస్ డిసీజెస్ నిపుణుడు డాక్టర్ దిమీ ఒగొయినా అన్నారు. ఎంపాక్స్ లైంగిక సంక్రమణ ద్వారా వ్యాప్తిచెందుతుందని తొలిసారి 2017లోడాక్టర్ ఒగోయినా అప్రమత్తం చేశారు.

‘మనం వైరస్ వ్యాప్తిని సరిగ్గా అర్థం చేసుకోలేం.. ఒకవేళ దీని గురించి అవగాహ చేసుకోకపోతే వ్యాప్తి, వ్యాధి తీవ్రత, ప్రమాద కారకాల పరంగా సమస్యను పరిష్కరించడంలో ఇబ్బంది తప్పదు.. పరివర్తన చెందుతున్న వైరస్ కారణంగా కొత్త వేరియంట్ల పుట్టుకపై నేను ఆందోళన చెందుతున్నాను’ అని వ్యాఖ్యానించారు.

మశూచికి కారణమయ్యే ఆరోపాక్స్ వైరస్ కుటుంబానికి చెందిన జాతి మంకీపాక్స్స్మా ల్‌పాక్స్‌ను పూర్తిగా నిర్మూలించడంతో వ్యాక్సినేషన్ ప్రక్రియ 50 ఏళ్ల కిందట నిలిచిపోయింది. దీంతో ఈ వైరస్‌‌ను నిరోధించే యాంటీబాడీలు జనాభాలో క్షీణించాయి. డబ్ల్యూహెచ్ఓ అంచనా ప్రకారం సెప్టెంబర్ 2023 మధ్యలో పుట్టుకొచ్చిన క్లాడ్ Ib వేరియంట్.. మానవులోని ఏపీఓబీఇసీ3 అని పిలువబడే మ్యుటేషన్‌ను కలిగి ఉన్నాయని వెల్లడిస్తోంది.

ఎంపాక్స్‌కి కారణమయ్యే వైరస్ సాధారణంగా స్థిరంగా ఉండి, పరివర్తన నెమ్మదిగా ఉంటుంది, అయితే ఏపీఓబీఇసీ-ఆధారిత ఉత్పరివర్తనలు వైరల్ పరిణామాన్ని వేగవంతం చేయగలవని మంకీపాక్స్,ఇతర వైరస్‌ల గురించి అధ్యయనం చేస్తున్నసీటెల్‌లోని ఫ్రెడ్ హచిసన్ క్యాన్సర్ సెంటర్‌‌కు చెందిన డాక్టర్ మిగ్యుల్ పరేడెస్ చెప్పారు.