vivo T3 pro వచ్చేసింది ఫ్యూచర్స్ ఏంటంటే....?

Vivo T3 Pro 5G: వివో గత కొంత కాలంగా టీజ్ చేస్తున్న వివో టి3 ప్రో 5జి స్మార్ట్ ఫోన్ ను ఈరోజు మధ్యాహ్నం 12 గంటలకు ఇండియన్ మార్కెట్లో విడుదల చేసింది. ఈ స్మార్ట్ ఫోన్ ను ఆకట్టుకునే ధరలో Snapdragon 7 Gen 3 చిప్ సెట్ మరియు మరిన్ని ఆకట్టుకునే ఫీచర్స్ తో విడుదల చేసింది. ఈరోజు సరికొత్తగా విడుదలైన ఈ ఫోన్ ధర మరియు ఫీచర్లు ఎలా ఉన్నాయో తెలుసుకోండి. వివో ఈ ఫోన్ ను రెండు వేరియంట్లలో విడుదల చేసింది. ఇందులో బేసిక్ వేరియంట్ (8GB + 128GB) ను రూ. 24,999 ధరతో విడుదల చేయగా 8GB + 256GB వేరియంట్ ను రూ. 26,999 ధరతో విడుదల చేసింది. వివో టి3 ప్రో స్మార్ట్ ఫోన్ మొదటి సేల్ సెప్టెంబర్ 3 వ తేదీ మధ్యాహ్నం 12 గంటల నుంచి ప్రారంభం అవుతుంది.

vivo టి3 ప్రో 5జి స్మార్ట్ ఫోన్ ను 6.78 ఇంచ్ 3D కర్వుడ్ AMOLED స్క్రీన్ తో అందించింది. ఈ స్క్రీన్ FHD+ రిజల్యూషన్, ఫింగర్ ప్రింట్ సెన్సార్, 4500 నిట్స్ లోకల్ పీక్ బ్రైట్నెస్ మరియు 120Hz రిఫ్రెష్ రేట్ ను కలిగి ఉంటుంది. ఈ ఫోన్ కేవలం 7.49mm మందంతో చాలా స్లీక్ గా ఉంటుంది. ఈ ఫోన్ ను క్వాల్కమ్ మిడ్ రేంజ్ ఫాస్ట్ చిప్ సెట్ Snapdragon 7 Gen 3 తో లాంచ్ చేసింది. ఈ చిప్ సెట్ 870K+ AnTuTu స్కోర్ అందిస్తుంది. ఈ చిప్ సెట్ కి జతగా 8GB ఫిజికల్ ర్యామ్ మరియు 8GB అదనపు ర్యామ్ సపోర్ట్ తో పాటు 256GB ఇంటర్నల్ స్టోరేజ్ కూడా ఉంటుంది. ఈ ఫోన్ FunTouch OS 14 సాఫ్ట్ వేర్ పై ఆండ్రాయిడ్ 14 OS పై రన్ అవుతుంది. ఈ ఫోన్ లో 5500 mAh బిగ్ బ్యాటరీ 80W ఫాస్ట్ ఛార్జ్ సపోర్ట్ తో కలిగి ఉంటుంది. కెమెరా విభాగంలో, ఈ ఫోన్ లో వెనుక ట్రిపుల్ రియర్ కెమెరా వుంది. ఇందులో OIS సపోర్ట్ కలిగిన 50MP Sony IMX882 మెయిన్ కెమెరా, 8MP అల్ట్రా వైడ్ మరియు మూడవ కెమెరా ఉంటాయి. ఈ ఫోన్ కెమెరాతో 4K వీడియోలను 30 fps వద్ద షూట్ చేయవచ్చు మరియు సూపర్ నైట్ మోడ్ తో సూపర్ క్వాలిటీ ఫోటోలు కూడా షూట్ పొందవచ్చని వివో తెలిపింది. ఈ ఫోన్ ముందు భాగంలో సెల్ఫీ కెమెరా కూడా ఉంటుంది. అంతేకాదు, ఈ ఫోన్ లో AI ఎరేజర్ మరియు AI ఫోటో ఎన్ హెన్స్ వంటి మరిన్ని ఫీచర్లు మరియు ఫిల్టర్స్ కూడా ఉన్నాయి.'