ఏపీ నామినేటెడ్ పోస్టుల లిస్ట్ వైరల్, 25మందికి పదవులు!

ఆంధ్రప్రదేశ్‌లో నామినేటెడ్ పోస్టుల కోసం కూటమి పార్టీ నేతలు ఎదురుచూస్తున్నారు. ఇప్పటికే పోస్టుల భర్తీపై కసరత్తు జరుగుతున్నట్లు తెలుస్తోంది.. త్వరలోనే అధికారికంగా జాబితాను విడుదల చేస్తారని చెబుతున్నారు. టీడీపీ, జనసేన, బీజేపీ నేతలకు ఈ నామినేటెడ్ పోస్టుల్లో ప్రాధాన్యం ఇవ్వనున్నారు. ఈ క్రమంలో సోషల్ మీడియా వేదికగా పలువురికి నామినేటెడ్ పోస్టులు ఖాయం అయ్యాయంటూ ఓ జాబితా వైరల్ అవుతోంది. కూటమిలోని మూడు పార్టీలకు చెందిన నేతల పేర్లుో ఈ లిస్టులో ఉన్నాయి. టికెట్ దక్కని నేతలు, పార్టీ కోసం కష్టపడి పనిచేసినవారికి ప్రాధాన్యం ఇచ్చారంటూ చెప్పుకుంటున్నారు. ప్రభుత్వం అధికారికంగా ఎలాంటి ప్రకటన చేయకపోయినా.. వీరికి పదవులు దాదాపు ఖాయమని ప్రచారం జరుగుతోంది. టీటీడీ ఛైర్మన్ సహా మొత్తం 25మంది వరకు పేర్లు వైరల్ చేస్తున్నారు.

టీటీడీ ఛైర్మన్‌గా టీవీ5 అధినేత బీఆర్ నాయుడు పేరు.. ఏపీఐఐసీ ఛైర్మన్‌గా బొడ్డు వెంకటరమణ చౌదరి.. ఏపీఎస్ఆర్టీసీ ఛైర్మన్‌గా మాజీ మంత్రి దేవినేని ఉమా మహేశ్వర రావు.. ఏపీ టూరిజం డెవలప్మెంట్ కార్పొరేషన్ ఛైర్మన్‌గా నాదెండ్ల బ్రహ్మం చౌదరి పేర్లు వినిపిస్తున్నాయి. ఏపీ ఫుడ్ కమిషన్ ఛైర్మన్‌గా టీడీపీ జాతీయ అధికార ప్రతినిధి పట్టాభి.. శాప్ ఛైర్మన్‌గా పోలంరెడ్డి దినేష్ రెడ్డి పేర్లు ఈ జాబితాలో ఉన్నాయి. మహిళా కమిషన్ ఛైర్మన్‌గా రెడ్డి వాణి.. ఏపీ సీడ్ డెవలప్మెంట్ కార్పొరేషన్ ఛైర్మన్‌గా నీలాయపాలెం విజయ్ కుమార్‌ పేర్లు తెరపైకి వచ్చాయి.

ఏపీ మారిటైమ్ బోర్డు ఛైర్మన్‌గా గంప కృష్ణ.. ఏపీ వేర్హౌసింగ్ కార్పొరేషన్ ఛైర్మన్‌గా సోము వీర్రాజు.. ఏపీఎస్ ఆర్టీసీ రీజనల్ బోర్డ్ ఛైర్మన్‌గా షేక్ రియాజ్ పేర్లు వినిపిస్తున్నాయి. ఏపీ ఫారెస్ట్ డెవలప్మెంట్ కార్పొరేషన్ ఛైర్మన్‌గా బొబ్బూరి వెంగళరావు.. ఏపీ గ్రేనేడ్ బ్యూటిఫికేషన్ కార్పొరేషన్ ఛైర్మన్‌గా బండ్రెడ్డి రామకృష్ణ.. ఏపీ మార్క్ ఫెడ్ ఛైర్మన్‌గా విష్ణువర్ధన్ రెడ్డి.. ఏపీ స్వచ్ఛంద మిషన్ ఛైర్మన్‌గా పాతూరు నాగభూషణం పేర్లు లిస్టులో ఉన్నాయి. ఏపీ పోలీస్ హౌసింగ్ డెవలప్మెంట్ కార్పొరేషన్ ఛైర్మన్‌గా నిమ్మల క్రిష్టప్ప.. ఏపీ మీట్ కార్పొరేషన్ ఛైర్మన్‌గా అనిమిని రవి నాయుడుకు అవకాశం ఇచ్చినట్లు జాబితాలో పేరు ఉంది.

ఎస్సీ కమిషన్ ఛైర్మన్‌గా మాజీ మంత్రి పీతల సుజాత.. ఎస్టీ కమిషన్ ఛైర్మన్‌గా మాజీ మంత్రి కిడారి శ్రావణ్ కుమార్.. ఏపీ ఎస్ఎంఐడీసీ ఛైర్మన్‌గా రాయపాటి అరుణ.. తుడా ఛైర్మన్‌గా దివాకర్ రెడ్డి.. నెడ్ క్యాప్ ఛైర్మన్‌గా ఉక్కు ప్రవీణ్ రెడ్డి.. ఏపీ ఫిల్మ్ డెవలప్మెంట్ కార్పొరేషన్ ఛైర్మన్‌గా యాక్టర్ పృథ్వి.. అమరావతి డెవలప్మెంట్ కార్పొరేషన్ ఛైర్మన్‌గా మాజీ మంత్రి ఆలపాటి రాజా పేర్లు దాదాపుగా ఖరారైనట్లు సోషల్ మీడియా వేదికగా ప్రచారం చేస్తున్నారు. అయితే అధికారికంగా మాత్రం ఎలాంటి ప్రకటన మాత్రం రాలేదు.