ఏపీ ప్రజలకు వాతావరణశాఖ హెచ్చరిక.. ఈ జిల్లాల్లో అతి భారీ వర్షాలు

ఏపీలో అతిభారీ వర్షాలు కురుస్తాయంటోంది వాతావరణశాఖ.. తూర్పు మధ్య బంగాళాఖాతంలో ఉపరితల ఆవర్తనం ఏర్పడింది. అలాగే రుతుపవనాలు కూడా రాష్ట్రమంతా విస్తరించాయి.. దీంతో వర్షాలు ఊపందుకున్నాయి. ఇవాళ అల్లూరి సీతారామరాజు జిల్లా, తూర్పుగోదావరి జిల్లా, కాకినాడ జిల్లా, ఏలూరు జిల్లాల్లో అతి భారీ వర్షాలు.. అనకాపల్లి జిల్లా, డాక్టర్ బీఆర్ అంబేద్కర్ కోనసీమ జిల్లా, కృష్ణా జిల్లా, ఎన్టీఆర్ జిల్లా, పార్వతీపురం మన్యం జిల్లా, శ్రీకాకుళం జిల్లా, పశ్చిమ గోదావరి జిల్లాల్లో భారీ వర్షాలు పడతాయని ఐఎండీ అంచనా వేస్తోంది.

శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, విశాఖపట్నం, అనకాపల్లి, కాకినాడ, డాక్టర్ బీఆర్ అంబేద్కర్ కోనసీమ, తూర్పుగోదావరి, పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది అంటున్నారు.

శ్రీకాకుళం జిల్లా పాతపట్నంలో 114.8 మిల్లీ మీటర్లు, పార్వతీపురం మన్యం జిల్లా కొమరాడలో 87.2, పశ్చిమ గోదావరి జిల్లా పాలకోడేరులో 68.8, పశ్చిమ గోదావరి జిల్లా నరసాపురంలో 61.7, అనకాపల్లి జిల్లా యలమంచిలిలో 61.4, పశ్చిమ గోదావరి జిల్లా భీమవరంలో 59.2, అల్లూరి సీతారామరాజు జిల్లా అరకు వాలీలో 58.4, విజయనగరం జిల్లా వేపాడలో 51.8, పార్వతీపురం మన్యం జిల్లా పార్వతీపురంలో 51.6, పార్వతీపురం మన్యం జిల్లా సాలూరులో 47.6, విశాఖపట్నం భీమిలిలో 42.4, పార్వతీపురం మన్యం జిల్లా సీతానగరంలో 41.6, కృష్ణా జిల్లా ముసలిపట్నంలో 41.2, ఏలూరు జిల్లా వేలేరుపాడులో 40.2 మిల్లీమీటర్ల వర్షపాతం నమోదైంది.