మీ ఐఆర్‌సీటీసీ ఐడీతో ఇతరులకు టికెట్లు బుక్ చేస్తే జైలుకే.. జరిమానా కూడా

ఆన్‌లైన్ ద్వారా ట్రైన్ టికెట్ బుక్ చేసుకునేందుకు రైల్వే టికెట్ బుకింగ్, క్యాటరింగ్ సంస్థ ఐఆర్‌సీటీసీలో అకౌంట్ ఉండాల్సి ఉంటుంది. అయితే, కొన్నిసార్లు ఎవరైనా తెలిసినవారు టికెట్లు బుక్ చేయమంటే తమ ఐడీ నుంచి ట్రైన్ టికెట్లు బుక్ చేస్తుంటారు చాలా మంది, అయితే, ఇకపై అలా కుదరదు. మీ పర్సనల్ ఐడీ నుంచి గనక ఇతరులకు ట్రైన్ టికెట్లు బుక్ చేసినట్లయితే మీకు జైలు శిక్ష, భారీ జరిమానా పడే అవకాశం ఉంది. రైల్వే రిజర్వేషన్లపై కొత్త రూల్స్ అమలులోకి వచ్చాయి. రైల్వే చట్టంలోని సెక్షన్ 143 ప్రకారం అధీకృత ఏజెంట్లు మాత్రమే థర్డ్ పార్టీ పేరుపై టికెట్లు బుక్ చేయాల్సి ఉంటుంది. పర్సనల్ ఖాతా ద్వారా ఇతరులకు టికెట్లు బుక్ చేస్తే చిక్కుల్లో పడతారని గుర్తుంచుకోవాలి.

పక్కవారికి సాయం చేద్దామని టికెట్లు బుక్ చేస్తే అది మిమ్మల్ని చిక్కుల్లో పడేసే అవకాశం ఉంది. రూల్స్ తెలియకుండా ఇతరులకు టికెట్లు బుక్ చేసిన వారికి గరిష్ఠంగా 3 ఏళ్ల పాటు జైలు శిక్ష, రూ.10 వేల వరకు జరిమానా పడే అవకాశాలు ఉన్నాయి. ఐఆర్‌సీటీసీలో వ్యక్తిగత ఖాతాలు ఉన్న వారు తమ రక్తసంబంధీకులు, ఒకే ఇంటి పేరు ఉన్నవారికి మాత్రమే టికెట్లు బుక్ చేసేందుకు అవకాశం ఉంది. స్నేహికులు, ఇతరులకు బుక్ చేస్తే రూ.10 వేల ఫైన్, మూడేళ్ల జైలు శిక్ష అనుభవించాల్సి రావచ్చు. ఒక్కోసారి రెండూ ఉంటాయి. టికెట్ రిజర్వేషన్‌లో జవాబుదారీతనం తీసుకొచ్చి, దుర్వినియోగాన్ని అరికట్టేందుకు ఈ కొత్త రూల్స్ తీసుకొచ్చినట్లు ఐఆర్‌సీటీసీ తెలిపింది. కొత్త నిబంధనలు ఉల్లంగించిన వారిపై కఠిన చర్యలు ఉంటాయని స్పష్టం చేసింది.

ఐఆర్‌సీటీసీ ద్వారా తత్కాల్ బుకింగ్ ఏసీ టికెట్ల టైమింగ్స్ ఉదయం 10 గంటల నుంచి మొదలవుతుంది. అలాగే నాన్ ఏసీ టికెట్ల బుకింగ్ ఉదయం 11 గంటల నుంచి మొదలవుతుంది. అలాగే తమ ఆధార్ కార్డుతో ఐఆర్‌సీటీసీ ఐడీ లింక్ అయిన యూజర్లు నెలలో గరిష్ఠంగా 24 టికెట్లు మాత్రమే బుక్ చేసుకోవచ్చు. అలాగే ఆధార్ అనుసంధానం కాని ఖాతా అయితే 12 టికెట్లు మాత్రమే బుక్ చేసుకునేందుకు వీలుంటుంది.

ఐఆర్‌సీటీసీ నుంచి టికెట్ బుక్ చేసుకోవడం ఎలా ?

ముందుగా ఐఆర్‌సీటీసీ వెబ్‌సైట్‌లోకి లాగిన్ కావాలి.

బుక్ యువర్ టికెట్ ఆప్షన్‌పై క్లిక్ చేయాలి.

బోర్డింగ్, డెస్టినేషన్ అడ్రస్ ఫిల్ చేయాలి.

మీరు ప్రయాణం చేయాల్సిన తేదీని ఎంపిక చేసుకోవాలి.

ట్రావెలింగ్ క్లాస్ ఎంచుకోవాలి.

అందుబాటులో ఉన్న ట్రైన్ వివరాలు చెక్ చేయాలి.

ఆ తర్వాత బుక్ నౌ ఆప్షన్ పై క్లిక్ చేయాలి.

ఆ తర్వాత ప్రయాణికుడి వివరాలు ఎంటర్ చేయాలి.

మీ మొబైల్ నంబర్ ఎంటర్ చేసి క్యాప్చా కోడ్ ఎంటర్ చేయాలి