గోల్డ్ బాండ్లు కొన్నారా? ప్రీమెచ్యూర్ రిడెంప్షన్ తేదీలు వచ్చేశాయ్..

సార్వభౌమ గోల్డ్ బాండ్లలో పెట్టుబడులు పెట్టిన వారికి అలర్ట్. ఈ బాండ్ల ప్రీమెచ్యూర్ రిడెంప్షన్ కోసం తేదీలను ప్రకటించింది రిజర్వ్ బ్యాంక్ ఆఫ్ ఇండియా. గతంలో గోల్డ్ బాండ్లు కొనుగోలు చేసి మెచ్యూరిటీ కన్నా ముందే వాటిని విక్రయించేందుకు ఇదే మంచి అవకాశం. సావరిన్ గోల్డ్ బాండ్ ప్రీ మెచ్యూర్ రిడెంప్షన్ షెడ్యూల్ ని ఏప్రిల్ 2024 నుంచి సెప్టెంబర్ 2024 మధ్య వివిధ తేదీల్లో నిర్ణయించింది ఆర్‌బీఐ. అలాగే ప్రీ మెచ్యూర్ రిడెంప్షన్ రిక్వెస్ట్ సబ్మిట్ చేసేందుకు విండో ఓపెన్ చేసింది.

సాధారణంగా సావరిన్ గోల్డ్ బాండ్ల మెచ్యూరిటీ పీరియడ్ 8 ఏళ్లుగా ఉంటుంది. అయితే, ముందస్తుగా వాటిని విక్రయించి నగదు తీసుకునేందుకు అవకాశం ఉంటుంది. అయితే, వాటిని జారీ చేసిన తేదీ నుంచి 5 ఏళ్ల తర్వాతే ప్రీ మెచ్యూర్ రిడెంప్షన్ చేసుకోవచ్చు. ఒకవేళ బాండ్లు డీమ్యాట్ ఫామ్ లో ఉంటే ఎక్స్చేంజీల్లో ట్రేడింగ్ అవుతాయి. ప్రీమెచ్యూర్ చేయాలనుకునే ఇన్వెస్టర్ తప్పనిసరిగా సంబంధిత బ్యాంకు, SHCIL ఆఫీసు, పోస్టాపీసు, ఏజెంట్లను కూపన్ పేమెంట్ తేదీకి 30 రోజుల ముందు కలవాల్సి ఉంటుంది. కనీసం రెండు రోజుల ముందైన కలిసిన వారి ప్రీ మెచ్యూర్ రిడెంప్షన్ రిక్వెస్ట్ ని పరిగణనలోకి తీసుకుంటారు. ఆ తర్వాత కస్టమర్ల బ్యాంకు ఖాతాలోకి నగదు జమ చేస్తారు.

 గోల్డ్ బాండ్ల ప్రీమెచ్యూర్ రిడెంప్షన్ తేదీలు ఇవే..

2016-17 ఏడాదిలోని సిరీస్-3 గోల్డ్ బాండ్ల కూపన్ పేమెంట్ తేదీ మే 17, 2024గా నిర్ణయించారు. రిక్వెస్ట్ సబ్మిట్ చేసేందుకు ఏప్రిల్ 16, 2024 నుంచి మే 7, 2024 వరకు అవకాశం కల్పించారు.

2016-17 సిరీస్-4 బాండ్లకు కూపన్ తేదీ సెప్టెంబ్ 17 గా ఉండగా.. రిక్వెస్ట్ సబ్మిట్ చేసేందుకు ఆగస్టు 17 నుంచి సెప్టెంబర్ 6వ తేదీ వరకు అవకాశం కల్పించారు.

2017-18 సిరీస్-1 బాండ్లకు కూపన్ తేదీ మే 12గా నిర్ణయించగా.. రిక్వెస్ట్ అందించేందుకు ఏప్రిల్ 10 నుంచి ఏప్రిల్ 30, 2024 వరకు అవకాశం ఉంటుంది.

2017-18 సిరీస్-2 బాండ్లకు కూపన్ తేదీ జులై 28గా ఉండగా.. రిక్వెస్ట్ చేసేందుకు జూన్ 26 నుంచి జులై 16, 2024 వరకు అవకాశం ఉంది.

2017-18 సిరీస్-3 గోల్డ్ బాండ్లకు కూపన్ తేదీ ఏప్రిల్ 16గా ఉండగా.. రిక్వెస్ట్ చేసుకునేందుకు మార్చి 16 నుంచి ఏప్రిల్ 6 వరకు అవకాశం కల్పించారు.

2017-18 సిరీస్-4 బాండ్లకు కూపన్ తేదీ ఏప్రిల్ 23వ తేదీ ఉంది. దరఖాస్తు చేసుకునేందుకు మార్చి 23 నుంచి ఏప్రిల్ 12, 2024 వరకు ఛాన్స్ ఉంటుంది.

2017-18 సిరీస్ -5 గోల్డ్ బాండ్లకు కూపన్ తేదీ ఏప్రిల్ 30గా నిర్ణయించగా.. రిడెంప్షన్ దరఖాస్తుకు మార్చి 30 నుంచి ఏప్రిల్ 20, 2024 వరకు అవకాశం కల్పించారు.

2017-18 సిరీస్ -6 గోల్డ్ బాండ్లకు కూపన్ తేదీ మే 6వ తేదీగా ఉండగా.. రిక్వెస్ట్ చేసుకునేందుకు ఏప్రిల్ 6 నుంచి ఏప్రిల్ 26వ తేదీ వరకు అవకాశం ఉంటుంది.

2017-18 సిరీస్-7 బాండ్లకు కూపన్ తేదీ మే 13గా ఉంది. దరఖాస్తు చేసేందుకు ఏప్రిల్ 12 నుంచి మే 3వ తేదీ వరకు అవకాశం కల్పించారు.

2017-18 సిరీస్- 8 బాండ్లకు కూపన్ తేదీ మే 20గా ఉంది. రిడెంప్షన్ రిక్వెస్ట్ కోసం ఏప్రిల్ 20 నుంచి మే 10 వరకు అవకాశం ఉంది.

2017-18 సిరీస్ -9 బాండ్లకు కూపన్ తేదీ మే 27గా ఉండగా.. రిక్వెస్ట్ చేసేందుకు ఏప్రిల్ 26 నుంచి మే 17 వరకు అవకాశం ఉంటుంది.

2017-18 సిరీస్ 10 బాండ్లకు కూపన్ తేదీ జూన్ 4 గా ఉండగా.. దరఖాస్తుకు మే 4 నుంచి మే 24, 2024 వరకు అవకాశం ఉంది.

2017-18 సిరీస్ -11 గోల్డ్ బాండ్లకు కూపన్ తేదీ జూన్ 11గా ఉండగా.. రిక్వెస్ట్ కోసం మే 10 నుంచి జూన్ 1వ తేదీ అవకాశం ఉంది.

2017-18 సిరీస్-12 గోల్డ్ బాండ్లకు కూపన్ తేదీ జూన్ 18గా ఉంది. దరఖాస్తుకు మే 18 నుంచి జూన్ 7 వరకు అవకాశం ఇచ్చారు.

2017-18 సిరీస్ -13 బాండ్లకు కూపన్ తేదీ జూన్ 26గా నిర్ణయించగా.. మే 27 నుంచి జూన్ 15 వరకు రిక్వెస్ట్ చేసుకోవచ్చు.

2017-18 సిరీస్ 14 గోల్డ్ బాండ్లకు కూపన్ తేదీ జులై 1గా నిర్ణయించారు. జూన్ 1 నుంచి జూన్ 21వ తేదీ మధ్య రిక్వెస్ట్ సబ్మిట్ చేయవచ్చు.

2018-19 సిరీస్-1 గోల్డ్ బాండ్లకు కూపన్ తేదీ మే 4గా ఉంది. ఏప్రిల్ 4 నుంచి ఏప్రిల్ 24 వరకు రిక్వెస్ట్ చేసుకోవచ్చు.

2018-19 సిరీస్-2 బాండ్లకు కూపన్ తేదీ ఏప్రిల్ 23గా నిర్ణయించారు. మార్చి 23 నుంచి ఏప్రిల్ 12 వరకు రిక్వెస్ట్ చేయవచ్చు.

2018-19 సిరీస్-3 గోల్డ్ బాండ్లకు కూపన్ తేదీ మే 13గా ఉంది. అలాగే ఏప్రిల్ 12 నుంచి మే 3 వరకు రిక్వెస్ట్ చేయవచ్చు.

2018-19 సిరీస్-4 బాండ్లకు కూపన్ తేదీ జులై 1గా ఉండగా.. జూన్ 1 నుంచి జూన్ 21 వరకు రిక్వెస్ట్ సబ్మిట్ చేయవచ్చు.

2018-19 సిరీస్ -5 బాండ్లకు కూపన్ తేదీ జులై 22గా ఉండగా.. జూన్ 21 నుంచి జులై 12 వరకు దరఖాస్తు చేయవచ్చు.

2018-19 సిరీస్-6 బాండ్లకు కూపన్ తేదీ ఆగస్టు 12 గా ఉండగా.. జులై 12 నుంచి ఆగస్టు 2 వరకు రిక్వెస్ట్ చేసుకోవచ్చు.

2019-20 సిరీస్ 1 గోల్డ్ బాండ్లకు కూపన్ తేదీ జూన్ 11గా ఉంది. మే 10 నుంచి జూన్ 1 వరకు దరఖాస్తు చేయవచ్చు.

2019-20 సిరీస్ -2 గోల్డ్ బాండ్లకు కూపన్ తేదీ జులై 16గా ఉండగా.. జూన్ 15 నుంచి జులై 6 వరకు దరఖాస్తు చేయవచ్చు.

2019-20 సిరీస్-3 గోల్డ్ బాండ్లకు కూపన్ తేదీ ఆగస్టు 14గా ఉండగా.. జులై 15 నుంచి ఆగస్టు 3 వరకు రిక్వెస్ట్ సబ్మిట్ చేయవచ్చు.

2019-20 సిరీస్ -4 గోల్డ్ బాండ్లకు కూపన్ తేదీ సెప్టెంబర్ 17గా ఉంది. ఆగస్టు 17 నుంచి సెప్టెంబర్ 6, 2024 వరకు రిక్వెస్ట్ చేయవచ్చు.