ట్రెండింగ్
Epaper    English    தமிழ்

ఆడుకుంటూనే కుప్పకూలిన బాలుడు,,,ములుగు జిల్లా వాజేడులో గుండెపోటుతో 12 ఏళ్ల బాలుడు మృతి

Telangana Telugu |  Suryaa Desk  | Published : Mon, Sep 18, 2023, 03:04 PM

ఇటీవల కాలంలో గుండెపోటుతో మరణించే వారి సంఖ్య నానాటికీ పెరిగిపోతుంది. వయస్సుతో సంబంధం లేకుండా చాలా మంది గుండెపోటుతో ఉన్నట్లుండి ప్రాణాలు కోల్పోతున్నారు. ఆడుతూ.. పాడుతూ.. నడుస్తూ.. నవ్వుతూ.. ఇలా ఉన్నట్లుండి కుప్పకూలిపోతున్నారు. చిన్నయవస్సులోనే పలువురు ప్రాణాలు కోల్పోతున్నారు. తాజాగా.. ములుగు జిల్లా వాజేడు మండల కేంద్రంలో విషాదం చోటు చేసుకుంది. ఇంట్లో ఆడుకుంటూ గుండెపోటుకు గురై ఓ 12 ఏళ్ల బాలుడు ప్రాణాలు కోల్పోయాడు. మండల కేంద్రానికి చెందిన సూత్రపు హరిచందర్ అనే బాలుడు ఇంట్లో కుటుంబసభ్యులతో సరదాగా గడుపుతున్న సమయంలో ఆకస్మాత్తుగా గుండెపోటు వచ్చింది. వెంటనే స్పందించిన తల్లిదండ్రులు ఆసుపత్రికి తరలిస్తుండగా మార్గమధ్యలో మృతి చెందాడు. చిన్న వయసులో గుండెపోటుతో మృతి చెందడంతో గ్రామస్థులు కంటతడి పెట్టారు.


యూపీ ఘజియాబాద్‌లోనూ ఓ 19 ఏళ్ల యువకుడు గుండెపోటుతో ప్రాణాలు కోల్పోయాడు. జిమ్‌లో ట్రెడ్‌మిల్‌పై నడుస్తున్నప్పుడు అకస్మాతుగా హార్ట్ ఎటాక్‌కు గురై కుప్పకూలి పోయాడు. దీంతో వెంటనే అతడిని ఆస్పత్రికి తరలించారు. అయితే ఆ యువకుడు అప్పటికే గుండెపోటుతో మరణించినట్లు వైద్యులు నిర్ధారించారు. అతడు జిమ్ చేస్తున్న వీడియో తాజాగా సోషల్ మీడియాలో వైరల్‌గా మారింది. అతని గుండె ఆగిపోవడానికి సుమారు పది నిమిషాల ముందు, అతను తన తల్లితో ఫోన్‌లో మాట్లాడాడని, ఆపై జిమ్‌కు తిరిగి వచ్చానని మృతుని స్నేహితులు చెప్పారు. కేవలం 10 నిమిషాల తర్వాత ట్రెడ్‌మిల్‌పై వ్యాయామం చేస్తూనే అతను కుప్పకూలిపోయాడు. మారుతున్న జీవనశైలి, ఆహారపు అలవాట్లు గుండెపోట్లకు కారణాలుగా వైద్యులు చెబుతున్నారు. సమతుల ఆహారంతో పాటు, సరైన నిద్ర, శరీరానికి తగిన వ్యాయయం, యోగా చేయటం ద్వారా ఆకస్మిక మరణాల నుంచి తప్పించుకోవచ్చునని వైద్యులు సూచిస్తున్నారు.










SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com