సెలబ్రేటీల వ్యక్తిగత అంశాలపై దుష్ప్రచారం ఇట్టే కొనసాగుతోంది. తాజాగా టాలీవుడ్ సింగర్ శ్రావణ భార్గవి రెండో పెళ్లి చేసుకోబోతోందంటూ తప్పుడు ప్రచారం జరుగుతోంది. హల్దీ ఫంక్షన్ లో ఉన్న ఆమె ఫొటోలను షేర్ చేస్తూ... ఆమె రెండో పెళ్లి చేసుకోబోతోందని ప్రచారం చేస్తున్నారు. అయితే, ఆ ఫొటోలు భార్గవి సోదరుడి హల్దీ వేడుకలకు సంబంధించినవి. మరోవైపు, సింగర్ హేమచంద్రను శ్రావణ భార్గవి వివాహం చేసుకున్న సంగతి తెలిసిందే. మంచి స్నేహితులైన వీరిద్దరూ పెద్దల అంగీకారంతో 2013లో పెళ్లి చేసుకున్నారు. వీరికి ఒక అమ్మాయి జన్మించింది. వ్యక్తిగత విభేదాల కారణంగా ఇద్దరూ విడిపోయారనే వార్తలు గతంలోనే వచ్చాయి. గత రెండేళ్లుగా వీరిద్దరూ కలిసి ఎక్కడా కనిపించలేదు. దీంతో, వీరు విడిపోయారనే తుది నిర్ణయానికి అందరూ వచ్చారు.