ట్రెండింగ్
సంక్షేమ సంఘాల ఐక్యతతో కాలనీల అభివృద్ధి: ఎమ్మెల్యే
Telangana Telugu | Suryaa Desk | Published : Mon, May 08, 2023, 02:41 PM
కుత్బుల్లాపూర్ నియోజకవర్గం, చింతల్ 128 డివిజన్ పరిధిలోని భగత్ సింగ్ నగర్ సంక్షేమ సంఘం నూతనంగా ఎన్నికైన సందర్భంగా సోమవారం ఎమ్మెల్యే కేపి వివేకానంద్ ని తన నివాసం వద్ద మర్యాదపూర్వకంగా కలిసి ఘనంగా సన్మానించారు. ఈ సందర్భంగా ఎమ్మెల్యే కమిటీ సభ్యులకు శుభాకాంక్షలు తెలిపారు. సంక్షేమ సంఘాల ఐక్యతతో కాలనీలు మరింత అభివృద్ధి చెందుతాయని పేర్కొన్నారు. కాలనీలో ఎటువంటి సమస్యలన్నా తన దృష్టికి తీసుకురావాలని, వాటి పరిష్కారానికి ఎల్లవేళలా కృషి చేస్తానని హామీ ఇచ్చారు. ఈ కార్యక్రమంలో మాజీ మున్సిపల్ వైస్ చైర్మన్ తంగ లక్ష్మారెడ్డి, సంక్షేమ సంఘం అధ్యక్షుడు కొండల శ్రీనాథ రావు, జనరల్ సెక్రెటరీ కామ్రేడ్ సత్యం తదితరులు పాల్గొన్నారు.
|
|
