'మెయ్యజగన్' తమిళనాడు రైట్స్ ని సొంతం చేసుకున్న ప్రముఖ బ్యానర్
cinema | Suryaa Desk | Published : Sat, Jul 20, 2024, 03:26 PM
కోలీవుడ్ నటుడు కార్తీ తన 27వ సినిమాని C. ప్రేమ్ కుమార్‌తో ప్రకటించిన సంగతి అందరికి తెలిసిందే. మెయ్యజగన్ అనే టైటిల్ తో తెరకెక్కిన ఈ సినిమా ఇండస్ట్రీలో భారీ బజ్ క్రియేట్ చేస్తోంది. ఈ సినిమా ఫస్ట్‌లుక్‌కి అభిమానులు మరియు ప్రేక్షకుల నుండి అద్భుతమైన స్పందన వచ్చింది. ఈ సినిమా సెప్టెంబర్ 27న విడుదల కానుంది. తాజాగా మూవీ మేకర్స్ ఈ సినిమా యొక్క తమిళనాడు రైట్స్ ని శక్తీ ఫిలిం ఫ్యాక్టరీ సొంతం చేసుకున్నట్లు సోషల్ మీడియాలో సరికొత్త పోస్టర్ ని విడుదల చేసి ప్రకటించారు. అరవింద్ స్వామి కూడా ఈ సినిమాలో ఒక ముఖ్య పాత్ర పోషిస్తున్నాడు. ఈ చిత్రంలో రాజ్‌కిరణ్, శ్రీ దివ్య, స్వాతి కొండే, దేవదర్శిని, జయప్రకాష్, శ్రీ రంజని, ఇళవరసు, కరుణాకరన్, శరణ్, రేచల్ రెబెక్కా, ఆంథోని, రాజ్‌కుమార్, ఇందుమతి, రాణి సంయుక్త, కాయల్ సుబ్రమణి, అశోక్ పాండియన్, తదితరులు కీలక పాత్రలలో నటించారు. గోవింద్ వసంత ఈ సినిమాకి స్వరాలు సమకూరుస్తున్నారు. ఈ చిత్రం కుంభకోణం మరియు శివగంగైలోని అద్భుతమైన ప్రదేశాలలో చిత్రీకరించబడింది. 2డి ఎంటర్‌టైన్‌మెంట్‌పై జ్యోతిక మరియు సూర్య ఈ చిత్రాన్ని నిర్మిస్తున్నారు, రాజశేఖర్ కర్పూరసుందరపాండియన్ సహ నిర్మాతగా వ్యవహరిస్తున్నారు. ఈ ప్రాజెక్ట్ కి సంబందించిన మరిన్ని వివరాలు మూవీ మేకర్స్ త్వరలో వెల్లడి చేయనున్నారు.
|
|