ఏపీలో రైలు ప్రయాణికులకు బ్యాడ్‌న్యూస్.. మరోసారి రైళ్లు రద్దయ్యాయి

ఏపీలో రైలు ప్రయాణికులకు ముఖ్య గమనిక. విజయవాడ రైల్వే డివిజన్‌ పరిధిలో నిర్వహణ పనులతో పలు రైళ్లను రద్దు చేయగా.. మరికొన్నింటిని పాక్షికంగా రద్దు, దారి మళ్లిస్తున్నట్లు రైల్వే అధికారులు తెలిపారు. ఈ నెల 27 నుంచి జూన్ 23 వరకు విజయవాడ-బిట్రగుంట మధ్య నడిచే రైళ్లు (07977/07978) రద్దు చేశారు. ఈ నెల 27 నుంచి 31 వరకు.. జూన్ 3 నుంచి 7 వరకు.. జూన్ 10 నుంచి 14 వరకు.. జూన్ 17 నుంచి జూన్ 21 వరకు బిట్రగుంట-చెన్నై సెంట్రల్‌ రైళ్లు (17237/17238) రద్దయ్యాయి. గుంటూరు-రాయగడ (17243/17244) రైళ్లను ఈ నెల 27 నుంచి జూన్ 24 వరకు రద్దు చేశారు. కాకినాడ పోర్ట్, విశాఖపట్నం మధ్య నడిచే (17267/17268) రైళ్లను రద్దు చేసినట్లు తెలిపారు అధికారులు.

 మచిలీపట్నం-విజయవాడ (07896), విజయవాడ-మచిలీపట్నం (07769), విజయవాడ-మచిలీపట్నం (07866), మచిలీపట్నం-విజయవాడ (07770), మచిలీపట్నం-విజయవాడ (07870), విజయవాడ-నర్సపూర్‌ (07861), నర్సపూర్‌-విజయవాడ (07863), విజయవాడ-భీమవరం జంక్షన్ (07283) రైళ్లను పాక్షికంగా రద్దు చేశారు. ఈ రైళ్లు విజయవాడ, రామవరప్పాడు మధ్య ఈనెల 27వ తేదీ నుంచి జూన్‌ 23 వరకు రద్దయ్యాయి.

మరికొన్ని రైళ్లను వయా విజయవాడ, గుడివాడ, భీమవరం, నిడదవోలు మీదుగా దారి మళ్లించారు. ఈ నెల 27, జూన్ 3, 10, 17న ఎర్నాకులం-పాట్నా (22643) రైలును దారి మళ్లించారు. భావనగర్-కాకినాడ పోర్ట్ (12756) రైలును జూన్‌ 1, 8, 15, 22 తేదీల్లో దారి మళ్లించినట్లు అధికారులు తెలిపారు. బెంగళూరు-గౌహతి (12509) ఈనెల 29, 31, జూన్‌ 5, 7, 12, 14, 19, 21 తేదీల్లో దారి మళ్లించారు. ధన్‌బాద్‌-అల్లపూజ (13351) రైలు ఈనెల 27వ తేదీ నుంచి జూన్‌ 23 వరకు దారి మళ్లించారు. చత్రపతి శివాజీ టెర్మినస్-భువనేశ్వర్‌ (11019) రైలు ఈ నెల 27, 29, 31, జూన్‌ 1, 3, 5, 7, 8, 10, 12, 14, 15 తేదీల్లో మళ్లించినట్లు తెలిపారు.

టాటానగర్‌-యశ్వంత్‌పూర్‌ (18111) ఈనెల 30, జూన్‌ 6, 13, 20 తేదీల్లో.. హతియా-ఎర్నాకులం (22837) ఈనెల 27, జూన్‌ 3, 10, 17 తేదీల్లో మళ్లించారు. హతియా-బెంగళూరు (18637) జూన్‌ 1, 8, 15, 22 తేదీల్లో దారి మళ్లించారు అధికారులు. హతియా-బెంగళూరు (12835) ఈనెల 28, జూన్‌ 2, 4, 9, 11, 16, 18, 23 తేదీల్లో.. టాటానగర్‌-బెంగళూరు (12889) ఈనెల 31, జూన్‌ 7, 14, 21 తేదీల్లో దారి మళ్లించినట్లు అధికారులు తెలిపారు.

ఈ నెల 27 నుంచి జూన్‌ 23వ తేదీ వరకు మరికొన్ని రైళ్లను కూడా రద్దు చేశారు అధికారులు. మచిలీపట్నం-విశాఖ ఎక్స్‌ప్రెస్‌ (17219) ఈనెల 27 నుంచి జూన్‌ 22వ తేదీ వరకు రద్దయ్యింది. తిరుపతి-విశాఖ డబుల్‌ డెక్కర్‌ ఎక్స్‌ప్రెస్‌ (22708) రైలు రద్దు చేశారు. గుంటూరు-విశాఖ సింహాద్రి ఎక్స్‌ప్రెస్‌ (17239) ట్రెయిన్‌ది అదే పరిస్థితి. విశాఖ-గుంటూరు సింహాద్రి ఎక్స్‌ప్రెస్‌ (17240), విశాఖ-తిరుపతి డబుల్‌ డెక్కర్‌ ఎక్స్‌ప్రెస్‌ (22707), విశాఖ-మచిలీపట్నం ఎక్స్‌ప్రెస్‌ (17220) రైళ్లు ఈనెల 28 నుంచి జూన్‌ 23వ తేదీ వరకు రద్దు చేశారు. విశాఖ-గుంటూరు డబుల్‌ డెక్కర్‌ ఉదయ్‌ ఎక్స్‌ప్రెస్‌ (22701), గుంటూరు-విశాఖ డబుల్‌ డెక్కర్‌ ఉదయ్‌ ఎక్స్‌ప్రెస్‌ (22702), రాజమండ్రి-విశాఖ మెము (07466), విశాఖ-రాజమండ్రి మెము (07467) రైళ్లను ఈనెల 27 నుంచి జూన్‌ 23వ తేదీ వరకు రద్దు చేశారు.