అరటి పండు తొక్కతో అనేక ప్రయోజనాలు

అరటి పండు తొక్కతో అనేక ప్రయోజనాలున్నయన్న సంగతి చాలా మందికి తెలియకపోవచ్చు. అరటి పండు కడుపు నింపితే.. దాని తొక్క అందాన్ని పెంచుతుంది. అరటి పండు తొక్కలో ఉండే విటమిన్ ఎ, సి, బీ6, బీ12, విటమిన్లు, మాంగనీస్, పొటాషియం, మెగ్నీషియం, ప్రోటీన్లు, ఖనిజాలు పుష్కలంగా ఉంటాయి. అరటి తొక్క వల్ల అనేక ఆరోగ్య ప్రయోజనాలున్నాయి. మరి అవేంటో ఇప్పుడు తెలుసుకుందాం. అరటి పండు తొక్క గుజ్జును తింటే కంటి చూపు సమస్యలు ఉండవు. అరటి తొక్కలో ఉండే ల్యూటిన్ అనే యాంటీ ఆక్సిడెంట్ అతినీలలోహిత కిరణాల ప్రభావం నుంచి కళ్లను రక్షిస్తుంది. ల్యూటిన్ వల్ల శుక్లాలు, రేచీకటి వంటి దృష్టి సమస్యలు దరిచేరవు. అరటి పండు తొక్క మూడ్‌ను మార్చి డిప్రెషన్‌ను తగ్గించే సెరొటోనిన్ ఉంటుంది. అరటి తొక్కను ముఖానికి రుద్దినట్లయితే మొటిమలు మాయమవుతాయి. యాంటీ బాక్టీరియల్, యాంటీ ఫంగల్ మొటిమల నివారణకు ఉపయోగపడతాయి. అరటి పండు తొక్కతో దంతాలను తోమితే తెల్లబడతాయి. పుండ్లు, దెబ్బలు, కాలినగాయాలకు అరటి పండు తొక్కతో మర్దనా చేస్తే త్వరగా తగ్గుతాయి. అరటి పండు తొక్క గుజ్జులో ఎగ్‌‌వైట్‌‌ కలిపి ముఖానికి పట్టిస్తే ముడతలు తగ్గుతాయి. నొప్పులు, వాపులు ఏర్పడినప్పుడు అరటి పండు గుజ్జుకు కాస్త వెజిటబుల్ ఆయిల్ కలిపి మసాజ్ చేసి చూడండి. తప్పకుండా ఉపశమనం లభిస్తుంది. సోరియాసిస్ వ్యాధితో బాధపడేవారు అరటి తొక్కల గుజ్జును రాసినట్లయితే ఉపశమనం ఉంటుంది. అరటి తొక్కలోని ఫైబర్ చెడు కొలెస్ట్రాల్‌ను తగ్గించి.. మంచి కొలెస్ట్రాల్‌ను పెంచుతుంది. ఫలితంగా గుండె సమస్యలు రావు. పులిపిర్లపై అరటి తొక్కలతో మర్దనా చేయండి. లేదా రాత్రి వేళల్లో తొక్కను పులిపిర్ల మీద పెట్టి కట్టండి. కొద్ది రోజుల్లో పులిపిర్లు రాలిపోతాయి. అలర్జీలు, దురదల నుంచి అరటి పండు తొక్క ఉపశమనం కలిగిస్తుంది.అరటి పండు తొక్కలో పుష్కలంగా ఉండే ప్రోటీన్లు, ఫైబర్ మలబద్దకాన్ని తగ్గిస్తాయి.  నీటిలో ఉండే విషతుల్యాలు, లోహాలను తొలగించేందుకు అరటి పండు తొక్కలు సహకరిస్తాయి. అరటి పండు తొక్కలో ఉండే ట్రిప్టోఫాన్ అనే రసాయనం నిద్ర పట్టేందుకు సహకరిస్తుంది.నిద్రలేమితో బాధపడేవారు తొక్కలోని గుజ్జును తీసుకుంటే మంచిది. లేదా అరటి పండు టీని ట్రై చేయండి.