ఎస్‌బీఐ నుండి అదిరిపోయే స్కీమ్...

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) తన కస్టమర్లకు ఎన్నో రకాల సేవలు అందిస్తోంది. ఇందులో ఎస్‌బీఐ యాన్యుటీ డిపాజిట్ స్కీమ్ కూడా ఇందులో ఒక భాగమే. ఈ స్కీమ్ ద్వారా డిపాజిట్ దారులు ప్రతి నెలా డబ్బులు పొందొచ్చు. దీని కోసం ముందుగానే నిర్ణీత మొత్తాన్ని బ్యాంక్‌లో డిపాజిట్ చేయాల్సి ఉంటుంది. పదవీ విరమణ చేసిన వారికి ఎస్‌బీఐ యాన్యుటీ డిపాజిట్ స్కీమ్ అనువుగా ఉంటుందని చెప్పుకోవచ్చు. దీని ద్వారా సేవింగ్స్‌పై ప్రత నెలా రెగ్యులర్‌గా ఆదాయం పొందొచ్చు. మీరు డిపాజిట్ చేసిన తేదీ రోజునే ప్రతి నెలా డబ్బులు లభిస్తాయి. ఒకవేళ 29, 30, 31 వంటి తేదీల్లో మీరు డిపాజిట్ చేసి ఉంటే.. అప్పుడు నెల తొలి రోజున డబ్బులు చెల్లిస్తారు. మీరు చెల్లించిన ప్రిన్సిపల్ అమౌంట్‌లో కొంత భాగం, వడ్డీ మొత్తాన్ని కలిపి ప్రతి నెలా డబ్బులు చెల్లిస్తారు. టర్మ్ డిపాజిట్లకు వర్తించే వడ్డీ రేటే ఈ స్కీమ్‌కు కూడా వర్తిస్తుంది. ఎస్‌బీఐ వెబ్‌సైట్ ప్రకారం.. ప్రస్తుతం 5.7 శాతం వడ్డీ లభిస్తోంది. ఏడాది నుంచి 10 ఏళ్ల కాల పరిమితిలోని ఎఫ్‌డీలకు ఈ రేటు వర్తిస్తుంది. వడ్డీ అనేది మూడు నెలలకు ఒకసారి లెక్కిస్తారు. నెలవారీగా చెల్లిస్తారు. భారతీయులు ఎవరైనాసరే ఈ స్కీమ్‌లో చేరొచ్చు. మీరు ఈ స్కీమ్ కింద 36, 60, 84, 120 నెలల కాల పరిమితిలో డబ్బులు డిపాజిట్ చేయొచ్చు. ఎస్‌బీఐ బ్యాంక్‌కు వెళ్లి స్కీమ్‌లో చేరాలి. కనీసం రూ.25,000 డిపాజిట్ చేయాల్సి ఉంటుంది. ఇలా చేస్తే కనీసం రూ.1,000 వస్తాయి. ఎస్‌బీఐ సిబ్బంది, ఎస్‌బీఐ పెన్షనర్లకు వడ్డీ రేటు 1 శాతం ఎక్కువగా ఉంటుంది. అదే సీరియర్ సిటిజన్స్‌కు అయితే 0.5 శాతం అధిక వడ్డీ వస్తుంది. నామినేషన్ సౌకర్యం కూడా ఉంది. ఓవర్‌డ్రాఫ్ట్ సదుపాయం కూడా లభిస్తుంది. మీరు డిపాజిట్ చేసిన మొత్తంలో 75 శాతం వరకు లోన్ తీసుకోవచ్చు. ఈ స్కీమ్‌ను ఒక బ్రాంచ్ నుంచి మరో బ్రాంచ్‌కు మార్చుకోవచ్చు. డిపాజిట్ చేసిన వారు మరణిస్తే డబ్బులు ముందుగానే వెనక్కి తీసుకోవచ్చు. అదే ముందుగానే డబ్బులు తీసుకోవాలంటే చార్జీలు పడతాయి.