పాక్‌లో బాంబు పేలుడు
international | Suryaa Desk | Published : Fri, Apr 12, 2019, 01:01 PM
ఓ పక్క ఉగ్రవాదులకు ఆశ్రయమిస్తూనే మరోపక్క తాము ఉగ్రవాద బాధితులమని నక్క వినయాలు ప్రదర్శించే పాక్ ఒక్కోసారి తనే ఆ రాక్షసికి బలవుతూ ఉంటుంది. తాజాగా క్వెట్టాలో జరిగిన బాంబు దాడే దీనికి నిదర్శనం. క్వెట్టాలోని ఓ మార్కెట్లో శుక్రవారం భారీ బాంబు పేలుడు జరిగింది. ఈ ఘటనలో 16మంది ప్రాణాలు కోల్పోగా.. పదుల సంఖ్యలో గాయపడ్డారు.
మైనార్టీ తెగ అయిన షియా ముస్లింలు ఎక్కువగా నివసించే ప్రాంతంలో ఈ దాడి జరిగింది. మార్కెట్లో ఎక్కువ సంఖ్యలో ప్రజలు ఉన్న సమయంలో ఒక్కసారిగా బాంబు పేలుడు సంభవించింది. దీంతో పోలీసులు వెంటనే అక్కడికి చేరుకుని క్షతగాత్రులను హాస్పిటల్‌కు తరలించారు. ఆ ప్రాంతంలో ఎలాంటి అవాంఛనీయ సంఘటనలు జరగకుండా భద్రత కట్టుదిట్టం చేశారు.
ఈ బాంబు దాడికి ఎవరూ బాధ్యత ప్రకటించలేదని పోలీసులు తెలిపారు. షియా ముస్లిం వర్గంపై ప్రతీకారంగానే మరోవర్గం ఈ దాడికి పాల్పడి ఉండొచ్చని అనుమానిస్తున్నారు. ఈ దాడిపై బలూచిస్తాన్ ముఖ్యమంత్రి జమ్ కమాల్ ఖాన్ దిగ్భ్రాంతి వ్యక్తం చేశారు. మానవజాతికి ఉగ్రవాదం పెనుముప్పుగా పరిణమించిందని పేర్కొన్నారు. మృతుల కుటుంబాలను ఆదుకుంటామని, క్షతగాత్రులకు మెరుగైన వైద్యం అందించేలా వైద్యులను ఆదేశించినట్లు తెలిపారు.
|
|