కొత్తగా ప్రభుత్వ ఉద్యోగం.. నెలకు రూ.81 వేల జీతం.. అయినా విధుల్లో చేరట్లేదు

ఆంధ్రప్రదేశ్ అసెంబ్లీ ఎన్నికల సందర్భంగా టీడీపీ-జనసేన-బీజేపీ కూటమి.. తాము అధికారంలోకి వస్తే సూపర్ సిక్స్ పథకాలను అమలు చేస్తామని ప్రకటించింది. ఈ నేపథ్యంలోనే అధికారంలోకి వచ్చిన తర్వాత ఒక్కొక్కటిగా అమలు చేస్తూ వస్తోంది. ఈ క్రమంలోనే ఎన్నికల సమయంలో ఇచ్చిన ఉచిత సిలిండర్ల పథకాన్ని ఈ దీపావళి పండగ నుంచి ప్రారంభించనున్నట్లు ఇప్పటికే చంద్రబాబు ప్రభుత్వం ప్రకటించింది. ఇందులో భాగంగానే దీపావళి నుంచి ప్రతి ఏడాది 3 ఉచిత గ్యాస్ సిలిండర్లను ఇచ్చే పథకాన్ని ప్రారంభిస్తున్నట్లు సీఎం చంద్రబాబు తెలిపారు. బుధవారం జరిగిన కేబినెట్ భేటీలో మంత్రివర్గం ఈ మేరకు నిర్ణయం తీసుకున్న విషయాన్ని చంద్రబాబు వివరించారు.

ఆంధ్రప్రదేశ్‌లో మహిళల వంట గ్యాస్ కష్టాలు తీర్చేందుకు సూపర్ సిక్స్ హామీల్లో భాగంగా ఈనెల 31వ తేదీ నుంచి ఏడాదికి 3 గ్యాస్ సిలిండర్ల పథకం అమల్లోకి తెస్తున్నట్లు సీఎం చంద్రబాబు తెలిపారు. ఈ క్రమంలోనే ఈనెల 31వ తేదీకి 3, 4 రోజుల ముందు నుంచే ఈ ఉచిత సిలిండర్ల బుకింగ్స్ ప్రారంభం అవుతాయని వెల్లడించారు. అయితే ఈ 3 ఉచిత గ్యాస్ సిలిండర్లను ఎప్పుడెప్పుడు తీసుకోవాలి అనేది తాజాగా ముఖ్యమంత్రి చంద్రబాబు వివరించారు. ప్రతీ నాలుగు నెలలకు ఒక సిలిండర్‌ను ఉచితంగా పొందవచ్చని తెలిపారు. ఇక గ్యాస్ సిలిండర్‌ బుక్ చేసుకుని డెలివరీ పొందిన 24 గంటల్లోనే సబ్సిడీ డబ్బును లబ్దిదారుల ఖాతాల్లో జమ చేయనున్నట్లు వెల్లడించారు. రాష్ట్రానికి ఎన్ని ఆర్థిక ఇబ్బందులు ఉన్నా ఏడాదికి రూ.2684 కోట్లతో ఈ ఉచిత గ్యాస్ సిలిండర్ల పథకాన్ని ప్రారంభిస్తున్నట్లు చంద్రబాబు స్పష్టం చేశారు.

ప్రస్తుతం మాత్రం అక్టోబర్ 31వ తేదీ నుంచి వచ్చే ఏడాది మార్చి నెలాఖరు లోపు ఒక సిలిండర్ తీసుకోవచ్చని పేర్కొన్నారు. ఆ తర్వాత వచ్చే ఏడాది నుంచి.. 2025 ఏప్రిల్ 1వ తేదీ నుంచి జులై నెలాఖరు వరకు మొదటి గ్యాస్ సిలిండర్.. ఆగస్ట్ 1వ తేదీ నుంచి నవంబర్ నెలాఖరు వరకు రెండో సిలిండర్.. అనంతరం డిసెంబర్ 1వ తేదీ నుంచి 2026 మార్చి నెలాఖరు నాటికి మూడో సిలిండర్ ఉచితంగా అందించనున్నట్లు ప్రభుత్వ వర్గాలు వెల్లడించాయి. అలా ప్రతీ ఏడాది.. ఆర్థిక సంవత్సరం ప్రకారం.. 4 నెలలకు ఒక సిలిండర్ చొప్పున మొత్తం 3 ఉచిత సిలిండర్లను పంపిణీ చేయనున్నట్లు ఏపీ ప్రభుత్వం తెలిపింది.