దేశవ్యాప్తంగా పెను సంచలనం సృష్టించిన కోల్కతా ట్రైనీ డాక్టర్ హత్యాచారం ఘటనపై సీబీఐ అధికారులు సీరియస్గా దర్యాప్తు చేస్తున్నారు. ఈ క్రమంలోనే ప్రధాన నిందితుడు సంజయ్ రాయ్, ఆర్జీ కర్ ఆస్పత్రి మాజీ ప్రిన్సిపల్ సందీప్ ఘోష్, మరో నలుగురు డాక్టర్లకు పాలిగ్రాఫ్ పరీక్ష నిర్వహించారు. సంజయ్ రాయ్ ప్రస్తుతం 14 రోజుల జ్యుడీషియల్ కస్టడీలో ఉండగా.. అతడికి జైలులోనే ఈ పాలిగ్రాఫ్ టెస్ట్ నిర్వహించగా.. మిగిలిన వారికి సీబీఐ కార్యాలయంలో ఈ లై డిటెక్టర్ చేపట్టారు. ఇందులో వారిపై సీబీఐ అధికారులు ప్రశ్నల సుడిగుండంలో చిక్కుకునేలా చేశారు. ఢిల్లీలోని సెంట్రల్ ఫోరెన్సిక్ సైన్స్ ల్యాబొరేటరీకి చెందిన పాలీగ్రాఫ్ నిపుణులను కోల్కతా రప్పించి ఈ పరీక్షలు నిర్వహించారు.
ఈ క్రమంలోనే ఈ కేసులో ప్రధాన నిందితుడిగా ఉన్న సంజయ్ రాయ్ని సీబీఐ 20 ప్రశ్నలు అడిగింది. అదే సమయంలో ఆర్జీ కర్ ఆస్పత్రి మాజీ ప్రిన్సిపల్ సందీప్ ఘోష్ను 25 ప్రశ్నలు సీబీఐ అధికారులు అడిగారు. ఇక సందీప్ ఘోష్ను తికమక పెట్టేందుకు కొన్ని అనవసరమైన ప్రశ్నలను కూడా వేశారు.
సంజయ్ రాయ్ని సీబీఐ అడిగిన ప్రశ్నలు
నీ పేరు సంజయ్ రాయ్ కదా?
నువ్వు కోల్కతాలో ఉంటావా?
ఘటన జరిగిన రోజు ఆసుపత్రిలో ఉన్నావా?
మోటారు సైకిల్ నడపడం నీకు తెలుసా?
బాధితురాలిపై నవ్వు అత్యాచారం చేశావా?
ఆమెను నువ్వు హత్య చేశావా?
ఎప్పుడైనా నువ్వు అబద్ధం చెప్పావా?
అత్యాచారం, హత్యకు గురైన ట్రైనీ డాక్టర్ నీకు తెలుసా?
ఈ హత్యలో నీతో పాటు ఎవరి ప్రమేయమైనా ఉందా?
హత్య చేసిన తర్వాత ఆస్పత్రి నుంచి పారిపోయావా?
హత్యాచార బాధితురాలిని ఇంతకుముందు ఎప్పుడైనా వేధించావా?
అశ్లీల చిత్రాలు చూస్తుంటావా?
డాక్టర్ సందీప్ ఘోష్ నీకు తెలుసా?
హత్య గురించిన సమాచారం సందీప్ ఘోష్కు చెప్పావా?
హత్యకు ముందు రెడ్ లైట్ ఏరియాకు వెళ్లావా?
సెమినార్ హాలులో నీతో పాటు ఎవరెవరు ఉన్నారు?
ఈ ఘటన గురించి ఎవరికైనా చెప్పావా?
సెమినార్ హాలులో నీ బ్లూటూత్ విరిగిందా?
అడిగిన అన్ని ప్రశ్నలకు సరిగా సమాధానం చెప్పావా?
కలకత్తా వైద్యురాలి హత్యాచారం కేసులో జాప్యం ఎందుకు జరుగుతోంది..? వెనుక ఎవరున్నారు?
మాజీ ప్రిన్సిపల్ సందీప్ ఘోష్ను సీబీఐ అడిగిన ప్రశ్నలు
నీ పేరు సందీప్ అవునా?
కోల్కతాలో ఎక్కడ పుట్టావు?
ఘటన సమయంలో నువ్వు ఆస్పత్రిలోనే ఉన్నావా?
ఇవాళ శనివారమేనా?
ట్రైనీ డాక్టర్పై అత్యాచారం చేసింది ఎవరో నీకు తెలుసా?
నువ్వు ఎప్పుడైనా అబద్ధం చెప్పావా?
ఆకాశం రంగు నీలంగా ఉంటుందా?
ట్రైనీ డాక్టర్ను హత్య చేసిందెవరో నీకు తెలుసా?
ఆమెపై సామూహిక అత్యాచారం జరిగిందా?
ఈ ఘటనపై పోలీసులకు సమాచారం ఇచ్చావా?
ఘటన జరిగిన రోజు ట్రైనీ డాక్టర్ను నువ్వు చూడటం కానీ, కలుసుకోవడం కానీ జరిగిందా?
నీకు, చనిపోయిన డాక్టర్కు మధ్య ఎలాంటి విభేదాలైనా ఉన్నాయా?
ఈ హత్యను ఆత్మహత్యగా బాధితురాలి కుటుంబ సభ్యులకు చెప్పావా?
ఆలస్యంగా పోలీసులకు సమాచారం ఇచ్చావా?
నీ సమాధానం అయితే ఎందుకు?
ఘటనాస్థలిలో ఆధారాలు చెడగొట్టేందుకు చేసే ప్రయత్నం చేశావా?
ఘటనాస్థలంలో ఆధారాలు ధ్వంసం ఎందుకు చేశారు?
ఎవరైనా అలా ధ్వంసం చేయమని చెప్పారా?
ఎవరి ఆదేశాలతోనైనా ట్రైనీ డాక్టర్ కుటుంబసభ్యులకు సమాచారం ఇచ్చావా?
సాక్ష్యాలను తారుమారు చేయడం నేరమని నీకు తెలియదా?
దర్యాప్తు పూర్తయ్యేంత వరకూ క్రైమ్ జరిగిన ప్రాంతంలో ఎలాంటి మార్పులు చేయరాదనే విషయం నీకు తెలియదా?
ఘటన జరిగిన వెంటనే ఎందుకు రాజీనామా చేశారు?
హడావిడిగా రాజీనామా ఇవ్వడానికి కారణం ఏమిటి?
రాజీనామా చేయమని ఎవరైనా ఒత్తిడి తెచ్చారా?
ఘటన సమాచారం గురించి మీతో ఫోనులో మాట్లాడిందెవరు?
సంజయ్ రాయ్ మీకు తెలుసా?
సంజయ్ రాయ్ తెలుసుంటే అతన్ని ఎన్నిసార్లు కలిసారు?
ఆగస్టు 8, 9 తేదీల్లో అతన్ని కలిసారా?