జనసైనికుడికి పోలీసుల షాక్.. ఇకపై అలా కుదరదు, రూల్స్ పాటించాల్సిందే

ఆంధ్రప్రదేశ్ డిప్యూటీ సీఎం పవన్ కళ్యాణ్ పిఠాపురం నుంచి ఎమ్మెల్యేగా ప్రాతినిధ్యం వహిస్తున్నారు. దీంతో పిఠాపురం తెలుగు రాష్ట్రాల్లో వార్తల్లో నిలిచింది. ఏపీ ఎన్నికల ఫలితాలకు ముందు ఆ తర్వాత పిఠాపురం ఎమ్మెల్యే గారి తాలూకా అంటూ జనసైనికులు బైక్‌లు, కార్లు, ఇతర వాహనాలపై, నంబర్ ప్లేట్లపై స్టిక్లర్లు అంటించుకున్నారు. అయితే వాహనాల నంబర్ ప్లేట్లపై పిఠాపురం ఎమ్మెల్యే గారి తాలూకా అంటూ స్టిక్కర్లు అంటించిన వారికి పోలీసులు షాకిస్తున్నారు. నంబర్ ప్లేట్లు నిబంధనలకు అనుగుణంగా ఉండాల్సిందేనని హెచ్చరిస్తున్నారు.. తాజాగా ఓ స్కూటీ నంబర్ ప్లేట్‌పై స్టిక్కర్ అంటించగా పోలీసులు ఆపి దానిని తీసే వరకు వదల్దేదు. ఈ వీడియో సోషల్ మీడియాలో వైరల్ అవుతోంది. పిఠాపురం ఎమ్మెల్యే గారి తాలూకా అని స్టికర్‌ను స్కూటీ నంబర్ ప్లేట్‌పై అంటించి ఉంది. అలా రోడ్డుపై వెళుతుండగా ట్రాఫిక్ పోలీసులు ఆపారు.. ఆ స్టిక్కర్ గురించి ప్రశ్నించారు. 'ఎవరయ్యా మీలో ఎమ్మెల్యేగారి తాలూకా'అంటూ పోలీస్ అధికారి ప్రశ్నించారు. ఎవరైనా చెబితే ఇలా స్టిక్కర్ అంటించారా అని అడిగారు. నంబర్ ప్లేట్ కనిపించకుండా ఇలా చేయడం సరికాదని.. నిబంధనల ప్రకారం నడుచుకోవాల్సిందే అన్నారు. అభిమానం ఉంటే తప్పులేదని.. కానీ నంబర్ ప్లేట్‌పై ఇలాంటి స్టిక్కర్లు అంటించడం సరికాదని పోలీసులు హెచ్చరించారు. మరోసారి ఇలాంటివి జరగకుండా చూసుకోవాలని సూచించారు.

ఇలా నంబర్ ప్లేట్‌లపై స్టిక్కర్ అంటిస్తే.. ఒకవేళ బైక్ చోరీ జరిగితే ఎలా కనిపెట్టగలరని ప్రశ్నించారు పోలీస్ అధికారి. ఒకవళే అభిమానం ఉంటే బండిపై ఇంకెక్కడైనా స్టిక్కర్ వేసుకోవచ్చని.. నంబర్ ప్లేట్ ని మాత్రం నిబంధనలకు అనుగుణం ఉండాల్సిందేనన్నారు. పోలీసులు ఆ స్టిక్కర్ ని ఆ యువకులతోనే తీసివేయించారు. ఈ వీడియో సోషల్ మీడియాలో వైరల్ అవుతోంది. పోలీసులు ఆ యువకుల్ని ఆపి పద్దతిగా స్టిక్కర్ తొలగించమని చెప్పారు. నెటిజన్లు పోలీసుల చర్యల్ని సమర్థించారు.. నంబర్ ప్లేట్ పై స్టిక్కర్ అతికించడం సరికాదని అభిప్రాయపడ్డారు. ట్రాఫిక్ రూల్స్ పాటించాల్సిందే అంటున్నారు.

మరోవైపు పిఠాపురం ఎమ్మెల్యే గారి తాలూకా అంటూ నెంబర్ ప్లేట్లపై ఫ్యాన్స్ రాయించడంపై డిప్యూటీ సీఎం పవన్ కళ్యాణ్ స్పందించారు. తనకు చెడ్డ పేరు తీసుకురావొద్దని.. నిబంధనలకు అనుగుణంగా నడుచుకోవాలని కోరారు. ఒకవేళ పోలీసులు, ఆర్టీవో అధికారులు వాహనాలను ఆపి నంబర్ ప్లేట్ గురించి అడిగితే పిఠాపురం ఎమ్మెల్యే గారి తాలూకా అని చెప్పొద్దన్నారు. ఒకవేళ అలా చెబితే వాళ్లు తనను కొడతారంటూ సరదాగా వ్యాఖ్యానించారు. ట్రాఫిక్ రూల్స్ పాటించకుండా పిఠాపురం ఎమ్మెల్యే గారి తాలూకా అని చెప్పొద్దు అన్నారు. అందరూ చట్టాల్ని గౌరవించాల్సిందేనని.. నిబంధనలు పాటించాల్సిందేనన్నారు.

మొత్తం మీద పిఠాపురం ఎమ్మెల్యే గారి తాలూకా అనే స్టిక్కర్లను బైక్‌లు, వాహనాల నంబర్ ప్లేట్లపై అంటించడం పవన్ కళ్యాణ్‌కు కూడా నచ్చలేదు. ఇప్పటికీ చాలామంది స్టిక్కర్లు అంటించుకుని తిరుగుతున్నారు.. పోలీసులు కూడా నిబంధనలకు అనుగుణంగా నడుచుకోవాలని జనసైనికులు, పవన్ కళ్యాణ్ అభిమానులకు సూచిస్తున్నారు. నంబర్‌ ప్లేట్లపై స్టిక్కర్లు అంటించొద్దని సూచిస్తునన్ారు.