విశాఖ సాయిబాబాకు భక్తుడి ఖరీదైన కానుక.. స్వామివారికి బంగారు కిరీటం
Andhra Pradesh Telugu | Suryaa Desk | Published : Fri, Feb 23, 2024, 10:17 PM
విశాఖలో ఓ భక్తుడు సాయిబాబుకు ఖరీదైన కానుకను అందించారు. స్థానిక శ్రామికనగర్‌లో ఉన్న సాయిబాబా ఆలయ 27వ వార్షికోత్సవాన్ని గురువారం ఘనంగా నిర్వహించారు. వేకువజామున సాయినాథున్ని ప్రత్యేకంగా అలంకరించి పూజలు చేశారు. ఈ సందర్భంగా ప్రముఖ చార్టర్డ్‌ అకౌంటెంట్‌ జి.వెంకటేశ్వరరావు స్వామివారిని దర్శించుకుని రూ.25 లక్షల విలువైన బంగారు కిరీటాన్ని బహూకరించారు. కార్యక్రమంలో జిల్లా లారీ అసోసియేషన్‌ అధ్యక్షుడు శ్రీలేఖ శ్రీనివాస్‌, ట్రాన్స్‌పోర్టు కాంట్రాక్టర్‌ చంటి, తదితరులు పాల్గొన్నారు. సాయిబాబా ఆలయ 27వ వార్షికోత్సవం సందర్భంగా ప్రత్యేక కార్యక్రమాలు నిర్వహించారు. ఆలయానికి భారీగా భక్తులు తరలివచ్చారు.
విశాఖలోనే చినగదిలిలో మరో సాయిబాబా ఆలయం కూడా ఉంది. అక్కడ స్వయంగా సాయిబాబా భక్తులకు సూక్తులు బోధించడం అక్కడ విశేషం. స్వయంగా సాయిబాబునే దిగి వచ్చారా అనేలా భక్తులకు రోబోటిక్ సాయిబాబా ఆకర్షిస్తున్నారు. విదేశీ సాంకేతిక పరిజ్ఞానాన్ని ఈ రోబో విగ్రహానికి జోడించి వాయిస్ సింకరనైజేషన్ కూడా ఉంది. అంతేకాదు ఈ విగ్రహం కళ్లు కదపడం, మాట్లాడటం, తల కదిలించడం చేస్తోంది. ఈ విగ్రహం గురించి తెలియడంతో చుట్టుపక్కల ప్రాంతాల నుంచి జనాలు భారీగా తరలివచ్చారు.
|
|