విశాఖ తీరంలో పాకిస్తాన్ సబ్‌మెరైన్ ఘాజీ శిథిలాలు గుర్తింపు

విశాఖ సముద్ర తీరంలో 1971లో మునిగిపోయిన పాకిస్తాన్ సబ్‌మెరైన్ శిథిలాలు లభ్యమయ్యాయి. ఇండియన్ నేవీ కొత్తగా కొనుగోలు చేసిన డీప్ సబ్‌మెర్జెన్స్ రెస్క్యూ వెహికల్ ఇటీవలే భారతదేశం-పాకిస్తాన్ యుద్ధ సమయంలో 1971 డిసెంబర్ 4న మునిగిపోయిన పాకిస్తాన్ జలాంతర్గామి పీఎన్ఎస్ ఘాజీ శిథిలాలను గుర్తించింది. దీనిని తీరానికి 2 నుంచి 2.5 కి.మీ దూరంలో 100 మీటర్ల లోతులో బయటపడింది. టెన్చ్-క్లాస్ సబ్‌మెరైన్, అంతకుముందు యూఎస్ నేవీలో యూఎస్ఎస్ డయాబ్లోగా పనిచేసింది. నేవీకి ఉన్న సంప్రదాయం ప్రకారం.. గౌరవంతో ఆ శిథిలాలను టచ్ కూడా చేయరు.

ఈ పీఎన్‌ఎస్ ఘాజీ సబ్‌మెరైన్‌లో మొత్తం 93మంది ఉంటే.. వారిలో 11మంది ఆఫీసర్లు, 82మంది సెయిలర్లు (నావికులు) ఉన్నారు. అయితే హోరా హోరీగా సాగిన ఈ యుద్ధం 1972లో బంగ్లాదేశ్ ఆవిర్భావంతో ముగిసింది. భారతదేశ తూర్పు సముద్రతీరాన్ని తవ్వడానికి, అలాగే భారత్ బ్రిటిష్ మెజెస్టిక్-క్లాస్ ఎయిర్‌క్రాఫ్ట్ క్యారియర్ ఐఎన్‌ఎస్ విక్రాంత్‌ను గుర్తించడానికి నీడగా ముంచడానికి పాకిస్తాన్ అమెరికా నిర్మిత పీఎన్ఎస్ ఘాజీని పంపింది.

ఘాజీ సబ్‌మెరైన్ 1971 నవంబర్ 14న కరాచీ నుంచి బయల్దేరి.. 4,800 దూరంలో ఉన్న విశాఖ సముద్ర తీరానికి చేరుకుంది. భారత్ కూడా ఘాజీని గుర్తించేందుకు ఐఎన్‌ఎస్ రాజ్‌పుట్‌ను పంపింది.. ఇది ఘాజీని ట్రాక్ చేసి మునిగిపోయేలా చేసింది. ఘాజీ విషయంలో పాకిస్థాన్ వాదన మాత్రం మరోలా ఉంది.. ప్రమాదవశాత్తూ జరిగిన పేలుళ్ల వల్లే ఘాజీ మునిగిపోయిందని భిన్నమైన అభిప్రాయాన్ని వ్యక్తం చేసింది. విశాఖ సమీపంలో బంగాళాఖాతంలో నేలపై ఉన్న జలాంతర్గామి పీఎన్ఎస్ ఘాజీ మాత్రమే కాదు.. ఇంపీరియల్ జపనీస్ నేవీ (ఆర్ఓ-110)కి చెందిన ఒక జపనీస్ సబ్‌మెరైన్ రెండవ ప్రపంచ యుద్ధం (ఫిబ్రవరి 12, 1944) సమయంలో విశాఖలోని రాంబిల్లి ప్రాంతం తీరంలో మునిగిపోయింది.

ఈ రెండు సబ్‌మెరైన్‌లు విశాఖ తీరానికి సమీపంలో సముద్రంలో మునిగి ఉన్నట్లు నేవీ అధికారులు చెబుతున్నారు. అయినా 'జపనీస్ సబ్‌మెరైన్‌ను నేవీ కనీసం టచ్ చేయలేదు.. ఎందుకంటే అది ధైర్యవంతులు చివరిగా విశ్రాంతి తీసుకుంటున్న స్థలమని నేవీ సిబ్బంది గట్టిగా నమ్మింది.. వారు అక్కడే ప్రశాంతంగా విశ్రాంతి తీసుకోవాలని' అని ఓ నేవీ అధికారి చెబుతున్నారు. విశాఖ సముద్ర తీరానికి ఓ ప్రత్యేకత ఉందని చెబుతుంటారు. 40 కంటే ఎక్కువ దేశాలు సబ్‌మెరైన్‌లను నిర్వహిస్తుండగా.. చాలా తక్కువ దేశాలు డీఎస్ఆర్వీ ని మోహరించే సామర్థ్యాన్ని అభివృద్ధి చేశాయి. ఈ సబ్‌మెరైన్‌లు వెయ్యి మీటర్ల లోతులో కూడా రెస్క్యూకు వెళ్లే సామర్థ్యం ఉన్నాయి. భారత్ ఇప్పుడు రెండు డీఎస్ఆర్వీలను షిప్‌మౌంట్, రవాణా చేయగలదు.