ట్రెండింగ్
మా ప్ర‌భుత్వం ఏది నష్టం చేసిందో చెప్పగలరా...?
Andhra Pradesh Telugu | Suryaa Desk | Published : Tue, Nov 28, 2023, 04:02 PM
టీడీపీకి చెందిన వ్యక్తి అని ఏ పథకమైనా ఆగిందా? అని వైయ‌స్ఆర్‌సీపీ రాష్ట్ర ప్ర‌ధాన కార్య‌ద‌ర్శి సజ్జల రామ‌కృష్ణారెడ్డి చంద్రబాబు, ప‌వ‌న్ క‌ళ్యాణ్‌ల‌కు స‌వాల్ విసిరారు. పూర్తి చేసిన అంశాలు, అమలైన పథకాలు వదిలేసి, ఏవేవో మాట్లాడతారని ఆయన మండిప‌డ్డారు. మా ప్ర‌భుత్వం ఏది నష్టం చేసిందో కచ్చితంగా మాట్లాడలేరని.. ఆసుపత్రుల్లో ఓపీలు తగ్గిపోయాయి అని హాస్యాస్పదంగా మాట్లాడతారని విమర్శించారు. చంద్రబాబు ఉచిత ఇసుక పాలసీ అంటే, పెద్ద పెద్ద బిల్డర్లకు ఇసుక ఎలా వెళ్ళిందని ప్రశ్నించారు. ఉచిత జేసీబీ, క్రేన్ పధకాలు చంద్రబాబు ఏమైనా పెట్టాడా అంటూ సజ్జల ఎద్దేవా చేశారు. ఉచిత ఇసుక అయితే దెందులూరు ఎమ్మెల్యే ఎందుకు ఎమ్మార్వో జుట్టు పట్టుకున్నాడని ప్రశ్నించారు.
|
|