బాన్సువాడ మండలంలోని కోనాపూర్ గ్రామంలో మంగళవారం పండుగ సంబరాలు నిర్వహించుకుంటున్నామని గ్రామస్థులు తెలిపారు. ఈ సందర్భంగా ఊరడమ్మ దేవతా విగ్రహాలను కర్రతో తయారు చేయిస్తున్నారు. విగ్రహాలను వడ్రంగులతో చేయించడం ఆనవాయితీగా వస్తుందని పేర్కొన్నారు. నారాయణ చారి, ఆగమయ్య చారిలు విగ్రహాలు తయారు చేశారు. అనంతరం విగ్రహాలను ఊరిలో ఊరేగింపుగా తీసుకెళ్లి ఆలయంలో ప్రతిష్టిస్తామన్నారు.