దుమ్ముగూడెం మండల పరిధిలోని కమలాపురం గ్రామానికి చెందిన ఓ వ్యక్తి పురుగు మందు తాగి ఆత్మహత్య చేసుకున్న ఘటనపై శనివారం ఎస్సై గణేష్ కేసు నమోదు చేశారు. ముర్రం పుల్లయ్య(42) కొంతకాలంగా మద్యానికి బానిసవడంతో అతని భార్య ఇదేమని గట్టిగా నిలదీయడంతో ఆ మనస్తాపంతో పురుగుమందు తాగాడు. అపస్మారక స్థితికి చేరుకున్న అతడిని కుటుంబ సభ్యులు 108లో భద్రాచలం ఏరియా ఆసుపత్రికి తరలిస్తుండగా మార్గమధ్యలో మృతి చెందాడు.