ఎంజీ హెక్టార్ డ్యూయల్ టోన్ వేరియంట్ లాంచ్..

భారత విపణిలో అత్యుత్తమ వాహనాలను విడుదల చేస్తోన్న సంస్థల్లో ఎంజీ మోటార్స్ ఇండియా ముందు వరుసలో ఉంటుంది. తాజాగా ఈ కంపెనీ ఎంజీ హెక్టార్ డ్యూయల్ టోన్ పెయింట్ స్కీమును భాపత మార్కెట్లో విడుదల చేసింది. ఎక్స్ షోరూంలో ఈ కారు ప్రారంభ ధర వచ్చేసి రూ.16.84 లక్షలుగా సంస్థ నిర్దేశించింది. ఈ సంస్థ సరికొత్త డ్యూయల్ టోన్ పెయింట్ స్కీముల్లో రెండు కలర్ ఆప్షన్లలో అందుబాటులోకి వచ్చింది. గ్లాజే రెడ్, క్యాండి వైట్ కలర్స్ లో దీన్ని సొంతం చేసుకోవచ్చు. రెండు పెట్రోల్, డీజిల్ వేరియంట్లలో ఇది లభ్యమవుతుంది. బ్లాకెడ్ అవుట్ రూఫ్ కాకుండా రెండు వేరియంట్లలోని ఫీచర్లు అదే విధంగా ఉన్నాయి. పిల్లర్లు, ఓఆర్వీఎంలు ఇందులో అదనం.

వేరియంట్ల వారీగా ధర..

1.5 పెట్రోల్ హైబ్రిడ్...............రూ.16.84 లక్షలు

1.5 పెట్రోల్ డీసీటీ................. రూ.17.75 లక్షలు

1.5 డీజిల్ ఎంటీ..................... రూ.18.08 లక్షలు

స్టాండర్డ్ పెయింట్ స్కీము కంటే డ్యూయల్ టోన్ పెయింట్ స్కీమున్న ఎంజీ హెక్టార్ ధర రూ.20,000లు అధికంగా ఉంది. ఈ కలర్ మార్పు కాకుండా మారే ఇతర ఛేంజెస్ లేవు.ఎంజీ హెక్టార్ ఎస్ యూవీ రెండు ఇంజిన్ ఆప్షన్లు కలిగి ఉంది. 1.5-లీటర్ టర్బో పెట్రోల్ ఇంజిన్ ను కలిగి ఉండి 143 బీహెచ్ పీ బ్రేక్ హార్స్ పవర్, 250 ఎన్ఎం టార్క్ ను ఉత్పత్తి చేస్తుంది. 2.0-లీటర్ డీజిల్ ఇంజిన్ ను కలిగి ఉండి 173 బీహెచ్ పీ బ్రేక్ హార్స్ పవర్, 350 ఎన్ఎం టార్క్ ను ఉత్పత్తి చేస్తుంది. పెట్రోల్ వేరయంట్ 48 వోల్టుల మైల్డ్ హైబ్రిడ్ వేరియంట్ ను కలిగి ఉంది. ఇది మెరుగైన మైలేజితో పాటు లో ఎండ్ గ్రంట్ తో అందుబాటులోకి ఇది 6-స్పీడ్ మ్యానువల్ తో పాటు, నాన్ హైబ్రిడ్ పెట్రోల్ ఇంజిన్ డీసీటీ ట్రాన్స్ మిషన్ వ్యవస్థతో పనిచేస్తుంది.ఎంజీ హెక్టార్ బ్రాండ్ ఐ-స్మార్ట్ ఇంటర్నెట్ కనెక్టివిటీని కలిగి ఉంది. ఇది 10.4 అంగుళాల వర్టికల్లీ ఓరియంటెడ్ టచ్ స్క్రీన్ ఇంఫోటైన్మెంట్ సిస్టం, స్మార్ట్ ఫోన్ లేఔట్ ను కలిగి ఉంది. ఈ ఎస్ యూవీ స్మార్ట్ ఫోన్ అప్లీకేషన్ ను కలిగి ఉంది. ఇవి కాకుండా ఏసీ, సన్ రూఫ్, టెయిల్ గేట్, డోర్ ఆపరేషన్లు ఇందులో ఉన్నాయి. అంతేకాకుండా ఎంజీ హెక్టార్.. భారత్ లో ఏఐ ఎనాబెల్ సదుపాయామున్న మొదటి కారుగా గుర్తింపుతెచ్చుకుంది. అంతేకాకుండా 100 వాయిస్ కమాండ్ ఆప్షన్లు కూడా ఇందులో ఉన్నాయి.భద్రతా పరమైన ఫీచర్ల దగ్గరకొస్తే ఈ ఎస్ యూవీ ఆరు ఎయిర్ బ్యాగులు, ఎలక్ట్రానిక్ స్టెబిలిటీ ప్రొగ్రాం, ట్రాక్షన్ కంట్రోల్ సిస్టం(టీసీఎస్), 360 డిగ్రీల కెమేరా, ఫ్రంట్ పార్కింగ్ సెన్సార్లు, ఏబీఎస్ విత్ ఈబీడీ లాంటి ప్రత్యేకతలు దీని సొంతం. భారత మార్కెట్లో ఈ ఎస్ యూవీకి పోటీగా టాటా హ్యారియర్, జీప్ కంపాస్ లాంటి మోడళ్లు ఉన్నాయి.